ଢେଙ୍କାନାଳ (ସମୃଦ୍ଧ ଓଡିଶା) ଢେଙ୍କାନାଳ ଜିଲ୍ଲାର ଗୁଣ୍ଡିଚାପଡ଼ା ଗ୍ରାମପଞ୍ଚାୟତ ଅନ୍ତର୍ଗତ ଛାଟିଆ ଗ୍ରାମରେ ୫୮ ବର୍ଷ ପୂର୍ତ୍ତି ଅବସରରେ ଅକ୍ଷୟ ତୃତୀୟା ଉପଲକ୍ଷେ ବାଦପାଲା ଅନୁଷ୍ଠିତ ହୋଇଛି । ଏହା ଦୀର୍ଘ ୫ ଦିନ ଧରି ଚଳିବ ତଥା ତା ୭ ତାରିଖ ଠାରୁ ଆରମ୍ଭ ହୋଇଛି ଏବଂ ଆସନ୍ତାକାଲି ତଥା ୧୧ ତାରିଖରେ ଶେଷ ହେବ । ଏହି ବାଦପାଲା ଅବସରରେ ଗାୟକ ମହାରଥୀ ଦତ୍ତହରି ପଣ୍ଡା ଏବଂ ଗାୟକ ରବୀନ୍ଦ୍ର ଜେନା ଅତି ମନୋହର ପୂର୍ଣ୍ଣ ପାଲା ପରିବେଷଣ କରୁଛନ୍ତି । ଏଠାରେ ଗ୍ରାମବାସୀମାନଙ୍କ ସହ ପ୍ରାୟ ୭ ଖଣ୍ଡ ମୌଜାର ଶ୍ରଦ୍ଧାଳୁମାନେ ଆସି ବାଦପାଲାଟିକୁ ଅତି ଆନନ୍ଦର ସହ ଶ୍ରବଣ କରି ପ୍ରଭୁଙ୍କର ଆଶୀର୍ବାଦ କୃପା ଲାଭ କରୁଛନ୍ତି । ଏହି ୫ ଦିନ ବ୍ୟାପି ବାଦପାଲାରେ ଗ୍ରାମର ସଭାପତି ଗଣେଶ୍ୱର ବେହେରା ଏବଂ ଜଳଧର ରାଉତ, ବାବୁଲି ବାରୀକୀ ଓ ଶିବାନରାୟଣ ରାଉତ ମୁଖ୍ୟ ଉଦ୍ୟେକ୍ତା ଭାବରେ ଗ୍ରାମବାସୀଙ୍କ ସହଯୋଗରେ ବାଦପାଲାଟିକୁ ସାଫଲ୍ୟ ମଣ୍ଡିତ କରିବା ସହ ସୁନ୍ଦର ଭାବରେ ପରିଚାଳନା କରୁଛନ୍ତି ।
ରିପୋର୍ଟ : ଶୁଭମ କୁମାର ପାଣି