ଛତ୍ରପୁର (ସମୃଦ୍ଧ ଓଡିଶା) ଆସନ୍ତାକାଲି ତଥା ସୋମବାର ଦିନ ଛତ୍ରପୁର ବିଧାୟକ ପ୍ରାର୍ଥୀ ଭାବେ ଛତ୍ରପୁର ଉପଜିଲ୍ଲାପାଳ କାର୍ଯ୍ୟାଳୟରେ ପ୍ରଦୀପ କୁମାର ଦାସ ପ୍ରାର୍ଥୀ ପତ୍ର ଦାଖଲ କରିବେ ବୋଲି ସୂଚନା ଦେଇଛନ୍ତି । ସେ ମାର୍ଚ୍ଚ ୧୪ରେ ବିଜେପିରେ ଯୋଗ ଦେଇଥିଲେ । ବର୍ତ୍ତମାନ ସେ ସ୍ୱାଧୀନ ପ୍ରାର୍ଥୀ ଭାବେ ଲଢ଼ିବେ । ତେଣୁ ସେ ଛତ୍ରପୁରର ଶିଳ୍ପର ଉନ୍ନତି ସହ ବିଭିନ୍ନ ଜନହିତକର କାର୍ଯ୍ୟ, ଯୁବକ ଯୁବତୀଙ୍କୁ ରୋଜଗାର, ଚାଷୀଙ୍କ ସମସ୍ୟା ଦୂର କରିବା, ହରିଜନମାନଙ୍କ ନ୍ୟାୟ ପୁରଣ କରିବା ଓ ଛତ୍ରପୁରର ପ୍ରଗତି ପାଇଁ ସଂଗ୍ରାମ କରିବା, ରାତି ଦିନ ହଳିଆଙ୍କ ପରି ଲୋକମାନଙ୍କର ସେବା କରିବି ଏହା ହିଁ ମୋର ପ୍ରତିଶ୍ରୁତି ବୋଲି କହିଛନ୍ତି । ଛତ୍ରପୁର ନିର୍ବାଚନ ମଣ୍ଡଳୀର ସମସ୍ତ ଗୁରୁଜନ ଓ ଭାଇ ଓ ବନ୍ଧୁ ମାନଙ୍କୁ ଅନୁରୋଧ କରିଛନ୍ତି ବହୁ ସଂଖ୍ୟାରେ ଭୋଟ ଦେଇ ଜୟଯୁକ୍ତ କରନ୍ତୁ ମୁଁ ଆପଣମାନଙ୍କ ପାଇଁ କିଛି କାମ କରିପାରିବି । ତେଣୁ ପ୍ରାର୍ଥୀ ପତ୍ର ଦାଖଲ ସମୟରେ ବହୁ ସଂଖ୍ୟାରେ ଯୋଗ ଦିଅନ୍ତୁ ବୋଲି ଅନୁରୋଧ କରିଛନ୍ତି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା
