ଭୁବନେଶ୍ୱର (ସମୃଦ୍ଧ ଓଡିଶା) ଆସନ୍ତା ବୁଧବାରଠାରୁ ବାର୍ଷିକ ହାଇସ୍କୁଲ ସାର୍ଟିଫିକେଟ୍ ପରୀକ୍ଷା (ଏଚଏସ୍ସିଇ)୨୦୨୦ ଆରମ୍ଭ ହେବାକୁ ଯାଉଛି । ଫେବୃୟାରୀ ୧୯ରୁ ମାଟ୍ରିକ୍ ପରୀକ୍ଷା ଆରମ୍ଭ ହୋଇ ମାର୍ଚ୍ଚ ୨ରେ ଶେଷ ହେବ । ସେହିପରି ୧୯ରୁ ୨୯ ତାରିଖ ପର୍ଯ୍ୟନ୍ତ ରାଜ୍ୟ ମୁକ୍ତ ବିଦ୍ୟାଳୟ ପ୍ରମାଣ ପତ୍ର ପରୀକ୍ଷା ହେବ । ହାତରେ ମାତ୍ର ଆଉ ଗୋଟିଏ ରାତି ବାକି ଥିବା ବେଳେ ଛାତ୍ରଛାତ୍ରୀ ମାଟ୍ରିକ୍ ପରୀକ୍ଷା ପାଇଁ ପ୍ରସ୍ତୁତି ଶେଷକରି ଦେଇଛନ୍ତି । ଗତକାଲି ଫେବୃୟାରୀ ୧୯ରେ ଓଡ଼ିଆ ପରୀକ୍ଷା ଥିବା ବେଳେ ଫେବୃୟାରୀ ୨୨ (ଶନିବାର)ରେ ଇଂରାଜୀ, ଫେବୃୟାରୀ ୨୪ (ସୋମବାର)ରେ ସଂସ୍କୃତ/ହିନ୍ଦୀ, ଫେବୃୟାରୀ ୨୬ (ବୁଧବାର)ରେ ଗଣିତ, ଫେବୃୟାରୀ ୨୮ (ଶୁକ୍ରବାର)ରେ ସାଧାରଣ ବିଜ୍ଞାନ ଓ ମାର୍ଚ୍ଚ ୨ (ସୋମବାର)ରେ ସାମାଜିକ ବିଜ୍ଞାନ ପରୀକ୍ଷା ରହିଛି । ଅନ୍ୟପଟେ ଉତ୍ତେଜନା ପ୍ରବଣ କେନ୍ଦ୍ର ଭାବେ ଚିହ୍ନଟ ହୋଇଥିବା ପରୀକ୍ଷା କେନ୍ଦ୍ରରେ ସିସିଟିଭି ଲଗାଯାଇଛି । ସ୍କୁଲମାନଙ୍କରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯିବା ସହିତ ପିଲାମାନଙ୍କୁ ଭୟ ନକରି ନିଶ୍ଚିନ୍ତରେ ପରୀକ୍ଷା ଦେବାକୁ ଗଣଶିକ୍ଷା ମନ୍ତ୍ରୀ ସମୀର ଦାଶ ସୂଚନା ଦେଇଛି ।
ରିପୋର୍ଟ : ଆକାଶ ମିଶ୍ର