ବ୍ରହ୍ମପୁର (ସମୃଦ୍ଧ ଓଡିଶା) ଗଞ୍ଜାମ ଜିଲ୍ଲାର ବ୍ରହ୍ମପୁର ସହର ହେଉଛି କଳାକାର ମାନଙ୍କର ପେଣ୍ଟସ୍ତଳୀ କହିଲେ କିଛି ଭୁଲ ହେବନାହିଁ । ବ୍ରହ୍ମପୁରରେ ବହୁ କଳାକାର ରାଜ୍ୟ ତଥା ରାଜ୍ୟ ବାହାରେ ସୁନାମ ଅର୍ଜନ କରିଛନ୍ତି । ଶନିବାର ଦିନ ବ୍ରହ୍ମପୁର ଶିବା ହଲରେ ପୁଷ୍ପାଞ୍ଜଳି ପ୍ରଡକ୍ସନ ନିବେଦିତ ଓଡ଼ିଆ ସିନେମା ରଙ୍ଗ ବରଷିବ ଟୁପୁରୁ ଟୁପୁରୁ, ଏହାର ଶୁଭ ମୁହୂର୍ତ ହୋଇଥିବା ବେଳେ ଏହି ଫିଲମର ହିରୋ ତାପସ ବେହେରା, ହିରୋଇନ ସୁଶ୍ରୀ ରଥ, ଡାଏରେକ୍ଟର ଜିତେନ୍ଦ୍ର ନାଥ ମହାପାତ୍ର, ଖଳ ନାୟକ ଅଶ୍ରୁମୋଚନ ମହାନ୍ତି, ମ୍ୟୁଜିକ ଡାଏରେକ୍ଟର ଅମେନ୍ଦ୍ର ମହାନ୍ତି, ଶିଶୁ କଳାକାର ଜ୍ଞାନ ସାହୁ, କମେଡିୟାନ ଆୟୁଷ୍ମାନ ଓ ନିରାଭାଇ ଉପସ୍ଥିତ ଥିବା ବେଳେ ବ୍ରହ୍ମପୁର ବିଧାୟକ ବିକ୍ରମ ପଣ୍ଡା, ପୂର୍ବତ୍ତନ ବିଧାୟକ ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକ, ପୂର୍ବତନ ବିଡିଏ ଅଦକ୍ଷ ସୁବାସ ମହାରଣା ଉପସ୍ଥିତ ରହି ଫିଲ୍ମକୁ ଉପଭୋଗ କରିବା ସହ ହିରୋ ଓ ହିରୋଇନଙ୍କୁ ଶୁଭେଚ୍ଛା ଜଣାଇବା ସହ ଉନ୍ନତି କାମନା କରିଥିଲେ । ହିରୋଙ୍କ ଘର ବ୍ରହ୍ମପୁର ହାଉସିଂଗ ବୋର୍ଡ଼ ହୋଇଥିବାରୁ ତାଙ୍କର ସାଙ୍ଗ ସାଥିମାନେ ତାଙ୍କୁ ଉଚ୍ଛାହିତ କରିବା ପାଇଁ ଉପସ୍ଥିତ ରହି ବାଣ ଫୁଟାଇବା ସହ ଫୁଲ ବର୍ଷା କରିଥିଲେ । ଏହି ଫିଲିମଟି ହିରୋ ତାପସଙ୍କ ମା’ଙ୍କ ନାମରେ ପ୍ରୋଡେସ୍କନ ହୋଇଥିବାରୁ ତାପସ ବହୁତ ଉଚ୍ଛହିତ ଥିବା ଜଣାପଡିଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା