ଢେଙ୍କାନାଳ (ସମୃଦ୍ଧ ଓଡିଶା) ସ୍ଥାନୀୟ ଶାଣ୍ଡିଲ୍ୟ ବସନ୍ତ ଭବନରେ ଗତକାଲି ଓଡିଶା ଲେଖିକା ସଂସଦ ଢେଙ୍କାନାଳ ଶାଖାର ୭ମ ସଂଖ୍ୟାର ସାରସ୍ୱତ ସମାରୋହ ଆବାହିକା ସୁକାନ୍ତି ସାହୁଙ୍କ ସଭାପତିତ୍ୱରେ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ବକ୍ତାଭାବେ କବିତାମୟୀ ସର.ମହାପାତ୍ର, ମୁଖ୍ୟ ଅତିଥି ଭାବେ ସରିତା ପାଟସାହାଣୀ, ସମ୍ମାନିତ ଅତିଥି ଭାବେ ରଶ୍ମିତା ରାଉତ, ପ୍ରାଧ୍ୟାପିକା ଡା. ମାନସୀ କର, ଉପମା ସାମଲ, ଉତ୍କଳ କନ୍ୟା ବିରଲକ୍ଷ୍ମୀ ରଣା ପ୍ରମୁଖ ଯୋଗଦେଇ ଓଡ଼ିଆ ଭାଷାର ଭବିଷ୍ୟତ ଉପରେ ଆଲୋଚନା କରିଥିଲେ । ଏହାସହ ଏହି ସଭାରେ ଅନ୍ୟାନ୍ୟ ସଭ୍ୟମାନେ ଓଡ଼ିଆ ଭାଷାର ଭବିଷ୍ୟତ ଉପରେ କବିତା ପ୍ରବନ୍ଧ ପାଠ କରିଥିଲେ । ଏହି କାର୍ଯ୍ୟକ୍ରମକୁ ସନ୍ଧ୍ୟା ମହାନ୍ତି, ମଞ୍ଜୁଳା ହୋତା ସଂଯୋଜନା କରିଥିଲେ । ଏହି ଅବସରରେ କାର୍ଯ୍ୟକ୍ରମର ପ୍ରାରମ୍ଭରେ ବୈଜୟନ୍ତୀ ପଟ୍ଟନାୟକ ସ୍ୱାଗତ ଭାଷଣ ଦେଇଥିବା ବେଳେ ସଂଯୁକ୍ତା ଶରଣ ଧନ୍ୟବାଦ ଅର୍ପଣ କରିଥିଲେ ।
ରିପୋର୍ଟ : ଶୁଭମ କୁମାର ପାଣି