ଢେଙ୍କାନାଳ (ସମୃଦ୍ଧ ଓଡିଶା) ଆଜି ଢେଙ୍କାନାଳ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଏକ ଭିନ୍ନ୍ ଚିତ୍ର ଦେଖିବାକୁ ମିଳିଥିଲା l କୋଭିଡ-୧୯ର ସଙ୍କଟ ସମୟରେ ସବୁବେଳେ ଆଗଧାଡ଼ିରେ ରହି ଲୋକମାନଙ୍କୁ ଟିକିନିକି ଖବର ଜଣାଉ ଥିବା ଗଣମାଧ୍ୟମକୁ କରୋନା ଯୋଦ୍ଧା ଭାବେ ବିବେଚନା କରି ସ୍ଵୟଂ ଜିଲ୍ଲାପାଳ ଭୂମେଶ ଚନ୍ଦ୍ର ବେହେରା ନିଜେ ଢେଙ୍କାନାଳ ସହରର ସମସ୍ତ ଗଣମାଧ୍ୟମ ପ୍ରତିନିଧିମାନଙ୍କୁ ମାସ୍କ ଓ ସାନିଟାଇଜର କିଟ୍ ପ୍ରଦାନ କରିଛନ୍ତି l ଏଥି ସହିତ ବଲରାମ ମନ୍ଦିର ପୂଜକଙ୍କ ସଂସ୍ପର୍ଶରେ ଆସି କରୋନା ସ୍ୱାବ ନମୁନା ଦେଇ ନେଗେଟିଭ ରିପୋର୍ଟ ଆସିଥିବା ଶୁଭମ୍ ପାଣିଙ୍କୁ ଏକ ନମ୍ବର୍ ଯୋଦ୍ଧା ବୋଲି ସର୍ବ ସମ୍ମୁଖରେ ଅଭିହିତ କରି ପ୍ରସଂଶା କରିଥିଲେ l ଜିଲ୍ଲାପାଳଙ୍କ ଏତାଦୃଶ ମହାନୀୟତାକୁ ଜିଲ୍ଲା ଗଣମାଧ୍ୟମ ମହଲରେ ଭୂୟସୀ ପ୍ରଶଂସା କରାଯାଇଛି l
ରିପୋର୍ଟ : ଭୂପତି କୁମାର ପରିଡା
