ଦିଗପହଣ୍ଡି (ସମୃଦ୍ଧ ଓଡିଶା) ଦିଗପହଣ୍ଡି ବ୍ଲକ ଅଧିନସ୍ତ କେଦାରପୁର ପଞ୍ଚାୟତରେ ଥିବା କେଦାରପୁର ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରେ ନେତାଜୀ ସୁବାଷ ବୋଷଙ୍କ ଜନ୍ମ ଦିବସ ମହା ସମାରୋହରେ ପାଳନ କରାଯାଇଛି । ଏଥିରେ ବିଦ୍ୟାଳୟ ପ୍ରଧାନ ଶିକ୍ଷକ ଗୋପୀନାଥ ପଟ୍ଟନାୟକ ସଭାପତିତ୍ୱ କରି ନେତାଜୀଙ୍କ ଦେଶଭକ୍ତି ଓ ସ୍ୱାଧୀନ ଆଣିବା ପାଇଁ ତାଙ୍କ ସାହାସିକତା ସମ୍ପର୍କରେ ଛାତ୍ର ଛାତ୍ରୀମାନଙ୍କୁ ସୂଚନା ଦେଇଥିଲେ। ନେତାଜୀଙ୍କ ଫୋଟରେ ପୁଷ୍ପମାଲ୍ୟ ଅର୍ପଣ ପରେ ଛାତ୍ରୀ ଜି ସ୍ଵାତି,ଅର୍ଚ୍ଚନା ରଣା ଓ ଆଶା ରଣା ପ୍ରାରମ୍ଭିକ ସଙ୍ଗୀତ ଗାନ କରିଥିଲେ। ଶିକ୍ଷକ ଏଲ .କୃଷ୍ଣ ମୂର୍ତ୍ତି ଦୋରା,ଶିକ୍ଷକ ରାମ ଚନ୍ଦ୍ର ସେଠି , ଶିକ୍ଷକ ପ୍ରଭାକର ଘଢେଇ ,ଶିକ୍ଷୟତ୍ରୀ ଶୁଭଶ୍ରୀ ସାହୁ ପ୍ରମୁଖ ଏହି କାର୍ଯ୍ୟକ୍ରମରେ ସହଯୋଗ ଓ ସଂଯୋଜନା କରିଥିଲେ । ନେତାଜୀଙ୍କ ଉପରେ ହୋଇଥିବା କବିତା ପ୍ରତିଯୋଗିତା ,ବକୃତା ପ୍ରତିଯୋଗିତା,ପ୍ରବନ୍ଧ ପ୍ରତିଯୋଗିତା ଆଦିରେ ଅଂଶ ଗ୍ରହଣ କରିଥିବା କୃତ୍ତି ଛାତ୍ର ଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା । ଶେଷରେ ମିଷ୍ଟାନ୍ନ ବଣ୍ଟନ ସହ ସଭା ସାଙ୍ଗ କରାଯାଇଥିଲା ।
ରିପୋର୍ଟ : କୃଷ୍ଣ କୁମାର ବେହେରା