ଜଳେଶ୍ୱର (ସମୃଦ୍ଧ ଓଡିଶା) ଗତ ଶୁକ୍ରବାର ଦିନ ମଧ୍ୟ ରାତ୍ରିରେ ଜଳେଶ୍ୱର ଥାନା ଅନ୍ତର୍ଗତ ବର୍ତ୍ତନା ଗ୍ରା.ପ. ଅଧିନସ୍ଥ ଖରିଦା ଗ୍ରାମର ଉଦୟ ମହାଳିଙ୍କ ୨ ବଖରା ଘର ଅଗ୍ନିକାଣ୍ଡ ଘଟି ସଂପୂର୍ଣ୍ଣ ଭସ୍ମୀଭୂତ ହୋଇଯାଇଛି । ଅଗ୍ନିକାଣ୍ଡ ସମୟରେ ଉଦୟ ଘରେ ନ ଥିବା ବେଳେ ତାଙ୍କ ପତ୍ନୀ ପିଲାମାନଙ୍କୁ ଧରି ଘର ମଧ୍ୟରେ ଶୋଇଥିବା ବେଳେ ଉକ୍ତ ଦୁର୍ଘଟଣା ଘଟିଛି । ଖବରପାଇ ଗ୍ରାମବାସୀମାନେ ନିଆଁକୁ ଆୟତ୍ତ କରିବାକୁ ଚେଷ୍ଟା କରି ବିଫଳ ହୋଇଥିଲେ । ପରେ ଜଳେଶ୍ୱରରୁ ଦମକଳବାହିନୀ ଘଟଣା ସ୍ଥଳରେ ପହଞ୍ଚିଥିଲେ ମଧ୍ୟ ଦୁଇବଖରା ଘର ସଂପୂର୍ଣ୍ଣ ପୋଡି ପାଉଁଶ ହୋଇ ଯାଇଥିଲା । ଏହି ଅଗ୍ନିକାଣ୍ଡଯୋଗୁଁ ୭ କ୍ୟୁଣ୍ଟାଲ ଧାନ, ଏକ କ୍ୟୁଣ୍ଟାଲ ଚାଉଳ, ନଗଦ ୬ହଗାର ଟଙ୍କା ଓ ଘରର ସମସ୍ତ ଆସବପତ୍ର ଓ ଲୁଗାପଟା ପୋଡିଯାଇଛି । ଗତକାଲି ବର୍ତ୍ତନା ସରପଂଚ ପଦ୍ମଲୋଚନା ବେହେରା ସେଠାରେ ପହଞ୍ଚି ପଂଚାୟତ ତରଫରୁ ଆଥିକ ସାହାଯ୍ୟ କରିବା ସଂଗେ ସଂଗେ ଜଳେଶ୍ୱର ବିକାଶ ମଂଚର ସଭାପତି ସୂଦର୍ଶନ ଦାସ ୨ଟି ତ୍ରିପାଲ, ୨୫କେଜି ଚାଉଳ ଓ ୫ଟି ଚଦର କ୍ଷତିଗ୍ରସ୍ଥ ପରିବାରଙ୍କୁ ଯୋଗାଇ ଦେଇଥିଲେ ।
ରିପୋର୍ଟ : ଭୂପତି କୁମାର ପରିଡା