ଖଲ୍ଲିକୋଟ (ସମୃଦ୍ଧ ଓଡିଶା) ଡିସେମ୍ବର ତା ୧୮ ଓ ୧୯ରେ ଖାଲ୍ଲିକୋଟର ସୁମଣ୍ଡଳ, କହେଁଇପୁର, ବି.ନୂଆଗାଁ, ବାରସର ଗ୍ରାମରେ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ଚୋରା ମଦ ବିକ୍ରି ଅଭିଯୋଗରେ ୫ ଜଣଙ୍କୁ ଗିରଫ କରାଯାଇଥିବା ସୂଚନା ମିଳିଛି । ସୂଚନା ଅନୁଯାୟୀ କହେଁଇପୁରର କୃଷ୍ଣ ଚନ୍ଦ୍ର ସାହୁ, ସୁମଣ୍ଡଳର କାମେଶ୍ୱର ଦାସ, ବାରସରର ନାରାୟଣ ବେହେରା ଓ ମହେଶ୍ୱର ବେହେରା, ବି.ନୂଆଗାଁର ରଞ୍ଜିତ ନାୟକଙ୍କ ଠାରୁ ମୋଟ ୭୨ ଲିଟର ଚୋରା ଦେଶୀ ମଦ, ୫.୬୪ ଲିଟର ବିଦେଶୀ ମଦ ଓ ୮.୮ ଲିଟର ଭାଟି ମହୁଲି ମଦ ସହିତ ଗୋଟିଏ ଟିଭିଏସ ଏକ୍ସଏଲ ୧୦୦ ବାଇକ (TVS XL 100 vehicle) ଜବତ କରାଯାଇଛି । ଏହି ଚଢ଼ାଉରେ ଅବକାରୀ ଅଧିକାରୀ ଉମାକାନ୍ତ ସ୍ୱାଇଁ, ପର୍ଶୁରାମ ରେଡ୍ଡୀ, ରବୀନ୍ଦ୍ର ରେଡ୍ଡୀ, ସୁଶାନ୍ତ ବେହେରା ଓ ମିଥୁନ ବିଶ୍ୱାଳ ପ୍ରମୁଖ ସାମିଲ ହୋଇଥିଲେ ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା
