ଛତ୍ରପୁର (ସମୃଦ୍ଧ ଓଡିଶା) ଗଞ୍ଜାମରେ ପୁଣି ଏକ ଲଜ୍ୟା ଜନକ ନାବାଳିକା ଦୁଷ୍କର୍ମ ଘଟଣା ଘଟିଛି । ୫ ବର୍ଷର ଜଣେ ନାବାଳିକାଙ୍କୁ ରମ୍ଭା ଥାନା ଅଧିନସ୍ଥ ଅଞ୍ଚଳରେ ଜଣେ ଆତ୍ମ ଘୋଷିତ ବାବା ବଳାତ୍କାର କରିଥିବା ଅଭିଯୋଗ ହୋଇଛି । ବାବାଙ୍କୁ ପୋଲିସ ଗିରଫ କରିବା ସୂଚନା ମିଳିଛି । ଖବରରୁ ପ୍ରକାଶ ଯେ ସୂଯୋଗ ନେଇ ସେଠାକାର ଜନୈକ ବାବା ନାବାଳିକାକୁ ନଳକୁଅରୁ ପାଣି ଆଣିବାକୁ କହିଥିଲା । ନାବାଳିକା ପାଣି ଆଣି ବାବାଙ୍କୁ ଘରେ ଦେବାବେଳେ ବାବା ଜବରଦସ୍ତ ବଳାତ୍କାର କରିଥିବା ସୂଚନା ମିଳିଛି । ନାବାଳିକାଙ୍କୁ ପ୍ରଥମେ ଛତ୍ରପୁର ମେଡିକାଲରେ ପ୍ରାଥମିକ ଚିକିତ୍ସା ପରେ ଡାକ୍ତରୀ ମାଇନା ପାଇଁ ଵ୍ରହ୍ମପୁର ଏଫଏମଟିକୁ ପଠାଯାଇଥିବା ଖବର ମିଳିଛି । ଗଞ୍ଜାମ ଜିଲ୍ଲାରେ କାହିଁକି ସାରା ରାଜ୍ୟରେ ଏହିପରି ଘଟଣା ଦୈନଦିନ ବୃଦ୍ଧିପାଇବାରେ ଲାଗିଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା