ଖଲ୍ଲିକୋଟ (ସମୃଦ୍ଧ ଓଡିଶା) ଆଜି ଗଞ୍ଜାମ ଜିଲ୍ଲା ଅବକାରୀ ଅଧିକ୍ଷକ ରାଜେନ୍ଦ୍ର ଭୋତ୍ରାଙ୍କ ନିର୍ଦ୍ଦେଶ କ୍ରମେ କୋଦଳା ତହସିଲଦାରଙ୍କ ତତ୍ୱାବଧାନରେ ଖଲ୍ଲିକୋଟ ଅବକାରୀ ଅଧିକାରୀ ଉମାକାନ୍ତ ସ୍ୱାଇଁ ଓ ଷ୍ଟାଫଫ ଏସ. ପର୍ଶୁରାମ ରେଡି, ରବୀନ୍ଦ୍ର ରେଡି, ସୁଶାନ୍ତ ବେହେରା, ଜି.କାମେଶ୍ୱର ଓ ବସନ୍ତ ଜେନାଙ୍କ ଦ୍ୱାରା କୋଦାଳ ଏରିଆରେ ଚଢ଼ାଉ କରି ତିନି ଜଣ ଚୋରା ମଦ ବେପାରୀଙ୍କୁ ଗିରଫ କରାଯାଇଥିବା ସୂଚନା ମିଳିଛି । ସୂଚନା ଅନୁଯାୟୀ କୋଦଳା ମାର୍କେଟର କରଣ ସାହି ଛକରୁ ସଂଜୟ ସାହୁ, କୁମୁଟିସାହି ଛକରୁ ବଳରାମ ଗୌଡ଼ ଓ ମାଛ ମାର୍କେଟ ନିକଟରୁ ଭାଗିରଥି ଖଟେଇ ବୋଲି ଜଣାପଡିଛି । ଏହାସହ ମଦ ବିକ୍ରି ଅଭିଯୋଗରେ ଗିରଫ କରାଯାଇ ସେମାନଙ୍କ ନିକଟରୁ ମୋଟରେ ୯୭ ଲିଟର ଦେଶୀ ମଦ ଜବତ କରାଯାଇଛି ଓ ମାନ୍ୟବର ଜେଏମଏଫସି, କୋଦାଳଙ୍କ ନିକଟରେ ହାଜିର କରାଇ କୋର୍ଟଙ୍କ ନିର୍ଦ୍ଦେଶ କ୍ରମେ ଜେଲ ପଠାଯାଇ ଥିବା ଜଣାପଡିଛି ।
ରିପୋର୍ଟ : ଦକ୍ଷିଣାଞ୍ଚଳ ବ୍ୟୁରୋ ଚିଫ ନିମାଇଁ ଚରଣ ପଣ୍ଡା