ଛତ୍ରପୁର (ସମୃଦ୍ଧ ଓଡିଶା) ସମଗ୍ର ବିଶ୍ୱ ଇତିହାସରେ ମାନବ ସମାଜକୁ ନୂତନ ଦିଗଦର୍ଶନ ଓ ପ୍ରେରଣା ଦେଇ ପାରିଥିବା ଜନନାୟକ ମାନଙ୍କ ମଧ୍ୟରେ ମୋହନ ଦାସ କରମ ଚାନ୍ଦ ଗାନ୍ଧୀ ହେଉଛନ୍ତି ଅନ୍ୟତମ । ଶକ୍ତିଶାଳୀ ମାଂସପେଶୀ ଏକ ବଳିଷ୍ଠ ଚେହେରା ହୋଇନଥିଲେ ମଧ୍ୟ ଅସୀମ ଧର୍ଯ୍ୟ ଓ ଆତ୍ମବିଶ୍ବାସ ତାଙ୍କୁ ଏକ ପରମ ପ୍ରତାପଶାଳୀ ବ୍ୟକ୍ତିତ୍ୱରେ ପରିଣତ କରିପାରି ଥିଲା ତାଙ୍କର ଭଦ୍ର ଓ ସ୍ନେହପୂର୍ଣ୍ଣ ବ୍ୟବହାର ଶତ୍ରୁ ମାନଙ୍କ ମନ କିଣି ନେଇପାରୁଥିଲା । ଆଜି ହେଉଛି ସେହି ମହାନ ଜନନାୟକ ସମସ୍ତଙ୍କ ପ୍ରିୟ ବାପୁଜୀ ମୋହନ ଦାସ କରମ ଚାନ୍ଦ ଗାନ୍ଧିଜୀଙ୍କ ୧୫୦ତମ ଜନ୍ମ ବାର୍ଷିକୀ । ଏହି ଅବସରରେ ଆଜି ସ୍ଥାନୀୟ ଷ୍ଟେସନ ରୋଡ଼ ସ୍ଥିତ ରାମ ମନ୍ଦିର ପ୍ରାଙ୍ଗଣରେ ଗଞ୍ଜାମ ଜିଲ୍ଲା କଂଗ୍ରେସ କମିଟି ଏବଂ ଛତ୍ରପୁର କଂଗ୍ରେସ କମିଟି ପକ୍ଷରୁ ଏକ ସାଧାରଣ ସଭା ଛତ୍ରପୁରର ବରିଷ୍ଠ କଂଗ୍ରେସ ନେତା ଭାଗିରଥି ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବା ସହ ଏକ ଶାନ୍ତିପୂର୍ଣ୍ଣ ପଦଯାତ୍ରା ଅନୁଷ୍ଠିତ ହୋଇଯାଇଛି । ଏହି ସଭାରେ ଗଞ୍ଜାମ ଜିଲ୍ଲା କଂଗ୍ରେସ କମିଟି ସଭାପତି ତ୍ରିନାଥ ବେହେରା, ସମ୍ପାଦକ ଗଣପତି ବାରିକ, ଜିଲ୍ଲା ମହିଳା କଂଗ୍ରେସ ସଭାପତି ସ୍ୱରୂପା ତ୍ରିପାଠୀ, ନଗର କଂଗ୍ରେସ ସଭାପତି ଜଲାଲ ଖାନ, ବରିଷ୍ଠ କଂଗ୍ରେସ ନେତା ଭାଗିରିଥି ବେହେରା, ଛତ୍ରପୁର ଜୋନ ସଭାପତି ବଳିଆ ବେହେରା, ଡ଼କ ୟୁନିଅନ ସଭାପତି ଜି.ଏରେୟା, ଜିଲ୍ଲା ଛାତ୍ର କଂଗ୍ରେସ ସମ୍ପାଦକ ସୁବୋଧ ସୁମନ ସ୍ୱାଇଁ, ସୁଜ୍ଞାନୀ ପଟ୍ଟନାୟକ, ବିପ୍ର ପ୍ରଧାନ, ରୁଦ୍ରେଶ୍ୱର ବେହେରା, ରଞ୍ଜିତ ମଲ୍ଲିକ, ବିଶ୍ୱରଂଜନ ଦାସ, ଅଭିଷେକ ପଟ୍ଟନାୟକ, ମହେଶ ଗୌଡ଼ଙ୍କ ସହ ଅନେକ କଂଗ୍ରେସ କର୍ମୀ ଓ ଗାନ୍ଧୀ ପ୍ରେମୀ ଯୋଗ ଦେଇଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା
