ଛତ୍ରପୁର (ସମୃଦ୍ଧ ଓଡିଶା) ଗଞ୍ଜାମ ଜିଲ୍ଲା ପୋଲିସକୁ ମିଳିଛି ବଡ ସଫଳତା । ସୂଚନା ଅନୁଯାୟୀ ଗତ କିଛି ମାସରେ ବିଭିନ୍ନ ଥାନାରେ ଘଟୁଥିବା ଲୂଟ ଓ ଚୋରି ମାମଲାରେ ସମ୍ପୃକ୍ତ ଥିବା ୯ ଜଣକୁ ପୋଲିସ ଗିରଫ କରିଛି । ଗିରଫ ମଧ୍ୟରେ ଜଣେ ନାବାଳକ ରହିଛି । ଗଞ୍ଜାମ ପୋଲିସ ଜିଲ୍ଲାରେ ଅଭିଯୁକ୍ତ ମାନେ ୧୩ ଟି ଲୂଟ ଘଟଣାରେ ଏମାନଙ୍କ ସମ୍ପୃକ୍ତି ରହିଛି । ଅଭିଯୁକ୍ତ ମାନେ ବିଭିନ୍ନ ଫାଇନାନ୍ସ କମ୍ପାନୀର କର୍ମଚାରୀ ଏବଂ ବେପାରୀ ମାନଙ୍କୁ ଟାର୍ଗେଟ କରି ବନ୍ଧୁକ ଓ ଛୁରୀ ଦେଖାଇ ଲୂଟ କରୁଥିବା ଗଞ୍ଜାମ ଏସପି ବ୍ରିଜେଶ କୁମାର ରାୟ ଏ ନେଇ ଅନୁଷ୍ଠିତ ସାମ୍ବାଦିକ ସମିଳନୀରେ ସମସ୍ତ ସୂଚନା ପ୍ରଦାନ କରିଛନ୍ତି । ଏହାସହ ଅଭିଯୁକ୍ତଙ୍କ ଠାରୁ ୪ଟି ପିସ୍ତଲ, ଗୋଟିଏ ଖେଳନା ପିସ୍ତଲ, ଗୁଳି, ମାରାଣା ଅସ୍ତ୍ର, ୩ ଟି ଗାଡି ଓ ୧୬ଟି ଫୋନ ଜବତ କରାଯାଇଛି ଏବଂ କିଛି ଅଭିଯୁକ୍ତ ଫେରାର ରହିଛନ୍ତି । ସେମାନଙ୍କୁ ଖୁବ ଶୀଘ୍ର ଧରାଯିବ ବୋଲି କହିଛନ୍ତି । ଏହି ସାମ୍ବାଦିକ ସମ୍ମିଳନୀରେ ଅତିରିକ୍ତ ଏସପି ଠାକୁର ପ୍ରସାଦ ପାତ୍ର, ଡିଏସପି ଉତ୍କଳ କେଶରୀ ଦାଶଙ୍କ ସମେତ ଖଲିକୋଟ, ପୁରୁଷୋତ୍ତମପୁର, କବି ସୂର୍ଯ୍ୟ ନଗର, ପୋଲସରା, ଗାଙ୍ଗପୁର, କୋଦଳା ଥାନା ଅଧିକାରୀ ଏବଂ ଛତ୍ରପୁର ଓ ପୁରୁଷୋତ୍ତମପୁର ଏସଡିପିଓ ପ୍ରମୁଖ ଉପସ୍ଥିତ ରହିଥିଲେ ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା
