ଛତ୍ରପୁର (ସମୃଦ୍ଧ ଓଡିଶା) ମହାମାରୀ କରୋନା ସଂକ୍ରମଣକୁ ପ୍ରତିହତ କରିବା ପାଇଁ ସାରା ଦେଶରେ ଲକ୍ ଡାଉନ୍ ଜାରି କରାଯାଇଥିବାରୁ ବହୁ ପରିବାର ରୋଜଗାର ହରାଇ ବହୁ ଅସୁବିଧାର ସାମ୍ନା କରିବାସହ ଅତି କଷ୍ଟରେ ଜୀବନ ଅତିବାହିତ କରି ଚଳୁଛନ୍ତି । ଏମିତିକି ଭୋକ ଉପବାସରେ ରହିବା ସହ ଘର ଭଡା ମଧ୍ୟ ଦେବାରେ ଅସକ୍ଷମ ହୋଇ ପଡିଛନ୍ତି ବହୁ ଲୋକ । ଏଭଳି ପରିସ୍ଥିତିରେ କଂଗ୍ରେସ ଜିଲ୍ଲା ସଭାପତି ତଥା ସାନଖେମୁଣ୍ଡି ବିଧାୟକ ରମେଶ ଚନ୍ଦ୍ର ଜେନାଙ୍କ ନିର୍ଦ୍ଦେଶ କ୍ରମେ ଛତ୍ରପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ଗଞ୍ଜାମ ବ୍ଲକର ରାଜପୁର, କାଚରା ଓ ଗଡ ହୁମା ଗ୍ରାମରେ ଦୀର୍ଘ ଦିନ ଧରି ଲକ୍ ଡାଉନରେ ପ୍ରଭାବିତ ହୋଇ କାମ ଧନ୍ଦା ହରାଇଥିବା ଗରିବ ଲୋକ ମାନଙ୍କୁ ସମାଜସେବୀ ଭାଗୀରଥି ବେହେରାଙ୍କ ଦ୍ୱାରା ରାସନ ସମାଗ୍ରୀ ଓ ଶୁଖିଲା ଖାଦ୍ୟ ବଣ୍ଟନ କରାଯାଇଛି । ଏହି କାର୍ଯ୍ୟକ୍ରମରେ ଗଞ୍ଜାମ ବ୍ଲକ କଂଗ୍ରେସ ସଭାପତି ଏନ. ଗଣେଶ ରେଡି, ପୂର୍ବତନ ସରପଞ୍ଚ ଟି. କ୍ରିଷ୍ଣା ରେଡି, ଛାତ୍ର ନେତା ମହେଶ କୁମାର ଗୌଡ଼, ଚକ୍ରପାଣି ପଲାଇ, ରାକେଶ କୁମାର ଆଚାର୍ଯ୍ୟ, ଆଇନ୍ ଜୀବୀ ବାବୁ ନାହକ ଓ ରବିନ୍ଦ୍ର ମୁଦୁଲି ଯୋଗ ଦେଇଥିଲେ ।
