ପାରଳାଖେମୁଣ୍ଡି (ସମୃଦ୍ଧ ଓଡିଶା) ଗଜପତି ଜିଲ୍ଲା ଗୁମା ବ୍ଲକ ଅନ୍ତର୍ଗତ ଗାଇବା ଗ୍ରାମରେ ବର୍ଷା ପାଣି ଗାଁ ମଝି ରାସ୍ତା ଉପରେ ଜମି ରହିବା ଦ୍ଵାରା ଛୋଟଛୋଟ ପିଲା, ଗର୍ଭବତୀ ମହିଳା ଓ ବୃଦ୍ଧା ଲୋକମାନେ ରୋଗଗ୍ରସ୍ତ ହେଉଛନ୍ତି । ଏଥିପାଇଁ ଗ୍ରାମବାସୀମାନେ ବାରମ୍ବାର ବ୍ଲକ ପ୍ରଶାସନ, ପଂଚାୟତ ପ୍ରଶାସନର ଦ୍ଵାରାସ୍ଥ ହେଲେ ମଧ୍ୟ କୌଣସି ସୁଫଳ ମିଳିନାହିଁ । ଗାଁ ଦାଣ୍ଡର ମୁଖ୍ୟ ରାସ୍ତା ଏପରି ଶୋଚନୀୟ ହୋଇପଡିଛି ଯେ ଏହି ରାସ୍ତା ଦେଇ ଦୁଇ ଚକିଆ ଯାନ ଏବଂ ସାଇକେଲଟି ବି ସୁରକ୍ଷିତରେ ଯିବା ସମ୍ଭବ ହୋଇପାରୁନାହିଁ । ବିଦ୍ୟାଳୟର ଛାତ୍ରଛାତ୍ରୀ ଓ ରୋଗକ୍ରାନ୍ତ ବୃଦ୍ଧ ବୃଦ୍ଧାମାନେ ଏହି ରାସ୍ତାରେ ଯିବା ପାଇଁ ନାନାଦି ଅସୁବିଧାର ସମ୍ମୁଖିନ ହେଉଛନ୍ତି । ସଦର ପାରଳାଖେମୁଣ୍ଡି ମାତ୍ର କିଛି କିଲୋମିଟର ଦୂରତାରେ ଗାଇବା ଗ୍ରାମ ରହିଛି କିନ୍ତୁ ପ୍ରଶାସନ ପକ୍ଷରୁ କାର୍ଯ୍ୟାନୁଷ୍ଠାନ ନିଆଯାଉନଥିବ ଅଭିଯୋଗ କରିଛନ୍ତି ଗ୍ରାମବାସୀ ସୁବାସ ଚନ୍ଦ୍ର ଲିମା, ରଞ୍ଜନ ବେବର୍ତା, ଲୁଲୁ, ଲିମା ଷ୍ଟିଫାନ ବର୍ଦ୍ଧନ ।
ରିପୋର୍ଟ : କୃଷ୍ଣ କୁମାର ବେହେରା