ବ୍ରହ୍ମପୁର (ସମୃଦ୍ଧ ଓଡିଶା) ଲାଂଜିପଲ୍ଲୀ ଗୁଡସ ସେଡ୍ ରୋଡ଼ସ୍ଥିତ ଗୁରୁକୁଳ ଇଂଟରନ୍ୟାସନାଲ ପବ୍ଲିକ ସ୍କୁଲରେ ଇକୋ କ୍ଲବ ଆନୁକୂଲ୍ୟରେ ୭୦ତମ ବନ ମହୋତ୍ସବ ପାଳନ କରାଯାଇଛି । ଏହି ମହୋତ୍ସବ ପାଳନ ଅବସରରେ ବୃକ୍ଷରୋପଣ କାର୍ଯ୍ୟକ୍ରମ ସହ ଏକ ସଚେତନତା ସଭା ଆୟୋଜନ କରାଯାଇଛି । ଏହି କାର୍ଯ୍ୟକ୍ରମ ଚେୟାରମ୍ୟାନ ପ୍ରଶାନ୍ତ ମହାପାତ୍ରଙ୍କ ତତ୍ୱାବଧାନରେ ଅନୁଷ୍ଠିତ କରାଯାଇଛି । ଏହି କାର୍ଯ୍ୟକ୍ରମରେ ସମ୍ପାଦିକା ଅନିତା କୁମାରୀ ପାଢ଼ୀ, ନିର୍ଦ୍ଦେଶକ ଓ ଅଧ୍ୟକ୍ଷ ନରସିଂହ ସାହୁ ଯୋଗ ଦେଇଥିଲେ । ଏଠାରେ ସ୍କୁଲର ଚେୟାରମ୍ୟାନ ପ୍ରଶାନ୍ତ ମହାପାତ୍ର, ସମ୍ପାଦିକା ଅନିତା କୁମାରୀ ପାଢ଼ୀ, ସ୍କୁଲର କର୍ମଚାରୀ ଓ ଛାତ୍ରଛାତ୍ରୀମାନେ ଉତ୍ସାହର ସହ ବୃକ୍ଷରୋପଣ କରିଥିଲେ । ସ୍କୁଲର ସମସ୍ତ ଶିକ୍ଷକ ଓ ଶିକ୍ଷୟତ୍ରୀମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଏହି ପରିପ୍ରେକ୍ଷୀରେ ବକୃତା କାର୍ଯ୍ୟକ୍ରମ ଓ ଚିତ୍ରାଙ୍କନ ପ୍ରତିଯୋଗିତା ଆୟୋଜନ କରାଯାଇଥିଲା । ଏଥିରେ ସ୍କୁଲର ଛାତ୍ରଛାତ୍ରୀମନେ ଭାଗ ନେଇଥିଲେ । ଏହି ଅବସରରେ ପଦ୍ମିନୀ ପଟ୍ଟନାୟକ, ନିବେଦିତା ମାଝୀ, ମଧୁଛନ୍ଦା ମିଶ୍ର, ରୀନା ପଣ୍ଡା, ଅଶୋକ କୁମାର ପାତ୍ର, ନାରାୟଣ ପାତ୍ର, ବନବିହାରୀ ସାବତ, ମଧୁସ୍ମିତା ପରିଡ଼ା, ମଧୁସ୍ମିତା ହୋତା, ମିନତୀ ପ୍ରଧାନ, ଏମ.ପାର୍ବତୀ, ଅନ୍ନପୂର୍ଣ୍ଣା ଦାସ, ଏ.ଲକ୍ଷ୍ମୀ, ଚିରଞ୍ଜିବୀ ଆଚାରୀ, ମିନତୀ ପାଣିଗ୍ରାହୀ ଓ ସ୍ୱାଗତିକା ପାଢ଼ୀ ପ୍ରମୁଖ ଅଂଶ ଗ୍ରହଣ କରି ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା
