ଢେଙ୍କାନାଳ (ସମୃଦ୍ଧ ଓଡିଶା) ସଦର ବ୍ଲକ ଅନ୍ତର୍ଗତ ଗୌରାଙ୍ଗ ଚରଣ ବିଦ୍ୟାପୀଠରେ ବାର୍ଷିକ କ୍ରୀଡା ଅନୁଷ୍ଠିତ ହୋଇ ଯାଇଛି । ଏହି କ୍ରୀଡାକୁ ଉଦଘାଟନ କରିଥିଲେ ବିଦ୍ୟାଳୟ ପରିଚାଳନା ସଭାର ସଭାପତି ଜୟକୃଷ୍ଣ ଜେନା । ଏହି କାର୍ଯ୍ୟକ୍ରମକୁ ସଭାପତିତ୍ୱ କରିଥିଲେ ପ୍ରଧାନ ଶିକ୍ଷକ ବିନୋଦ କୁମାର ରାଉତ । କ୍ରୀଡା ପ୍ରତିଯୋଗିତା ବାଳକ ବିଭାଗରେ ସାର୍ଥକ ପ୍ରଧାନ ଚମ୍ପିୟାନ ଓ ବାଳିକା ବିଭାଗରେ ବାସନ୍ତୀ ସାହୁ ଚମ୍ପିଆନ ହୋଇଥିଲେ । ସେମାନଙ୍କୁ ପୁରସ୍କାର ବିତରଣ କରିଥିଲେ ମୁଖ୍ୟ ଅତିଥି ପଞ୍ଚାୟତର ସରପଞ୍ଚ ସୁଶାନ୍ତ କୁମାର ଜେନା । ଏହି ଅବସରରେ ସମ୍ମାନନୀୟ ଅତିଥି ଭାବେ ଆଜିତା ନନ୍ଦ ବିହାରୀ ଏବଂ କୁବେର ପ୍ରଧାନ, ସମ୍ମାନିତ ଅତିଥି ଅନନ୍ତ କୁମାର ଦାସ, ସୁବାସ ଚନ୍ଦ୍ର ଜେନା ମଞ୍ଚ ପରିଚାଳନାରେ ସହଯୋଗ କରିଥିଲେ, ଟୁଟୁ ମିଶ୍ର ଧନ୍ୟବାଦ ଅର୍ପଣ କରିଥିଲେ, ଶେଷରେ ଛାତ୍ରଛାତ୍ରୀମାନଙ୍କ ଦ୍ୱାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ବାର୍ଷିକ କ୍ରୀଡାକୁ କ୍ରୀଡା ଶିକ୍ଷକ ଶୈଳେନ୍ଦ୍ର କୁମାର ପଟ୍ଟନାୟକ ପରିଚାଳନା କରିଥିଲେ । ସୁରଜିତା ମିଶ୍ର, କିରଣ କୁମାର ମହାପାତ୍ର, ଚିତ୍ତରଞ୍ଜନ ମହାନ୍ତି, ବିଶ୍ୱଜିତ ବିହାରୀ, ବନୋଜ ରାଉତ, ନରେନ୍ଦ୍ର ବିହାରୀ, ନିରଞ୍ଜନ ବେହେରା, ଗୌତମ ପ୍ରଧାନ, ବୈଷ୍ଣବ ଚରଣ ବଡୁ, ସୁଜାତା ଦାସ, ପାଇକ ପହିକୋର ଗ୍ରାମର ଯୁବଗୋଷ୍ଠୀ ସହଯୋଗ କରିଥିଲେ ।
ରିପୋର୍ଟ : ଶୁଭମ କୁମାର ପାଣି
