ବଲାଙ୍ଗିର (ସମୃଦ୍ଧ ଓଡିଶା) ଆଜି ଚଳନ୍ତା ଟ୍ରେନରେ ନିଆଁ ଲାଗିଯାଇଛି । ନିଆଁ ଲାଗିଥିବା ଦେଖି ଭୟଭୀତ ଯାତ୍ରୀ । ହରିଶଙ୍କର ଷ୍ଟେସନ ନିକଟରେ ଏଭଳି ଘଟଣା ଦେଖିବାକୁ ମିଳିଛି । ବିଶାଖାପାଟଣା-ଭଗତକି କୋଠି ଏକ୍ସପ୍ରେସ ଯାଉଥିବା ବେଳେ ଏହାର ଇଞ୍ଜିନରୁ ପ୍ରବଳ ଧୂଆଁ ବାହାରୁଥିବା ଜଣାପଡ଼ିଥିଲା । ସ୍ଥାନୀୟ ଲୋକେ ଧୂଆଁ ଦେଖି ରେଳବାଇକୁ ଖବର ଦେଇଥିଲେ । ଖବର ପାଇ କିଛିସମୟ ପରେ ଟ୍ରେନଟି ଅଟକି ଥିଲା । ଯାତ୍ରୀମାନେ ନିଆଁ ଦେଖି ଆତଙ୍କିତ ହୋଇ ପଡ଼ିଥିଲେ । ଅନ୍ୟପଟେ ନିଆଁ ଲାଗିବା ଘଟଣାକୁ ରେଳବାଇ ପକ୍ଷରୁ ଖଣ୍ଡନ କରାଯାଇଥିବା ଜଣାଯାଇଛି । ଇଞ୍ଜିନରେ ନିଆଁ ଲାଗିନାହିଁ, ସେଥିରୁ କେବଳ ଧୂଆଁ ବାହାରୁଥିଲା ବୋଲି ପୂର୍ବତଟ ରେଳପଥ ପକ୍ଷରୁ କୁହାଯାଇଛି ।
