ଛତ୍ରପୁର (ସମୃଦ୍ଧ ଓଡିଶା) ଗଞ୍ଜାମ ଜିଲ୍ଲାରେ ଆଇନ ଶୃଙ୍ଖଳା ବିପର୍ଯ୍ୟସ୍ତକୁ ପ୍ରତିହତ କରିବା ନିମନ୍ତେ ଗଞ୍ଜାମ ଆରକ୍ଷୀ ଅଧୀକ୍ଷକ ବିହିତ ପଦକ୍ଷେପ ଗ୍ରହଣ କରି ଆସିଥିବା ବେଳେ ଏସପି ସାହେବଙ୍କ ନିର୍ଦ୍ଦେଶ କ୍ରମେ ଜିଲ୍ଲାର ବିଭିନ୍ନ ସ୍ଥାନରେ ଆମ ପୋଲିସ ସମିତି କାର୍ଯ୍ୟକାରୀ କରାଯାଉଛି । ତେବେ ହେଡକ୍ୱାଟର ଛତ୍ରପୁର ଥାନା ପକ୍ଷରୁ ଛତ୍ରପୁର ଥାନା ଅଧିକାରୀ ସତ୍ୟ ରଞ୍ଜନ ପ୍ରଧାନ ଛତ୍ରପୁର ବ୍ଳକ୍ ଅନ୍ତର୍ଗତ ବଡ଼ମାଧପୁର ଠାରେ ଆମ ପୋଲିସ ପକ୍ଷରୁ ଜନତାଙ୍କୁ ନେଇ ଏକ ଖୋଲାମଞ୍ଚର ଆୟୋଜନ କରାଯାଇଥିଲା । ଏଥିରେ ଆଇନ ଶୃଙ୍ଖଳା ସମ୍ବନ୍ଧୀୟ, ବିଭିନ୍ନ ଧାରା, ଶୃଙ୍ଖଳିତ ସମାଜ ଗଠନରେ ବ୍ୟକ୍ତିର ଚଳଣୀ, ଭୂମିକା, ସୁନାଗରିକ ହେବା ଆଦି ସମ୍ପର୍କିତ ବହୁ ପରିପନ୍ଥା ଲୋକଙ୍କୁ ବୁଝାଇ କହିଥିଲେ ଥାନା ଅଧିକାରୀ ସତ୍ୟ ରଞ୍ଜନ ପ୍ରଧାନ । ଅନ୍ୟମାନଙ୍କ ମଧ୍ୟରେ ଏସ.ଆଇ. ସିଲୁ ଧଳ, ସରପଞ୍ଚ ଶରତ ଖୁଣ୍ଟିଆ, ଏସ.ଯୁଧିଷ୍ଠିର ରେଡ୍ଡୀ,ଆର. ସହଦେବ ରେଡ୍ଡୀ, ମହେଶ୍ୱର ପ୍ରଧାନ ପ୍ରମୁଖ କାର୍ଯ୍ୟକ୍ରମରେ ଯୋଗଦେଇ ଏହାକୁ ସହଯୋଗ କରିଥିଲେ ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା