ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱରର ନୂତନ ବିଡିଓ ରୂପେ ଆଜି ପୂର୍ବାହ୍ନରେ ଦୀପ୍ତି ରଂଜନ ସେଠୀ ଅବସରପ୍ରାପ୍ତ ବିଡିଓ ନିତ୍ୟାନନ୍ଦ ସାହୁଙ୍କ ଠାରୁ ଦାୟିତ୍ୱ ଗ୍ରହଣ କରିଛନ୍ତି । ଏଠାରେ ସୂଚନାଯୋଗ୍ୟ ଶ୍ରୀ ସେଠୀ ବର୍ତ୍ତମାନ ଭୋଗରାଇ ବିଡିଓ ରୂପେ କାର୍ଯ୍ୟ କରୁଥିବା ବେଳେ ଅତିରିକ୍ତ ଦାୟିତ୍ୱରେ ଜଳେଶ୍ୱର ଦାୟିତ୍ୱରେ କାର୍ଯ୍ୟ କରିବେ । ଏହି ଅବସରରେ ଜଳେଶ୍ୱର ବ୍ଲକ କର୍ମଚାରୀ ମାନଙ୍କ ପକ୍ଷରୁ ସେକ୍ସନ ଅଫିସର ଅଧିର କୁମାର ପ୍ରମାଣିକ, କନିଷ୍ଠଯନ୍ତ୍ରୀ ଇଂ ଶରତ ଚନ୍ଦ୍ର ଉପାଧ୍ୟାୟ, ସୁଜିତ୍ ଜେନା, ସୁରେନ୍ଦ୍ର ଭୂୟାଁ ପ୍ରମୁଖ ପୁଷ୍ପଗୁଚ୍ଛ ଦେଇ ଶ୍ରୀ ସେଠୀଙ୍କୁ ସ୍ୱାଗତ ଜଣାଇଥିଲେ । ସେହିପରି ସାମ୍ବାଦିକ ମାନଙ୍କ ପକ୍ଷରୁ ସୁକୁମାର ରଣା, ଅମର କୁମାର ଆଚାର୍ଯ୍ୟ, ଦିନବଂଧୁ ପ୍ରଧାନ, ରାଜେଶ ପ୍ରଧାନ, ଦିଲ୍ଲିପ ଦାସ, ଅଜିତ୍ ସାହୁ, ସଂଜୟ ଦାସ, ମନୋଜ ଭୂୟାଁ ପ୍ରମୁଖ ମଧ୍ୟ ଶ୍ରୀ ସେଠୀଙ୍କୁ ସ୍ୱାଗତ ଜଣାଇଛନ୍ତି ।
ରିପୋର୍ଟ : ଭୂପତି କୁମାର ପରିଡା