ଜଳେଶ୍ୱର (ସମୃଦ୍ଧ ଓଡିଶା) ଭାରତୀୟ ଜନତାପାର୍ଟିର ଜଳେଶ୍ୱର ନିର୍ବାଚନ ମଣ୍ଡଳୀ ସ୍ତରୀୟ ପାର୍ଟି କାର୍ଯ୍ୟାଳୟ ଆଜି ମଧ୍ୟାହ୍ନରେ ଜଳେଶ୍ୱର ବଡବଜାର ସ୍ଥିତ ପୁର୍ତ୍ତବିଭାଗ ଡାକବଂଗଳା ସମ୍ମୁଖରେ ଉଦଘାଟିତ ହୋଇଯାଇଛି । ପୂର୍ବତନ ବିଧାୟକ ତଥା ବିଜେପି ପ୍ରାର୍ଥୀ ଜୟନାରାୟଣ ମହାନ୍ତିଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ନିର୍ବାଚନ ମଣ୍ଡଳୀର ପ୍ରଭାରୀ ସୁଶାନ୍ତ ପଟ୍ଟନାୟକ, ମ୍ୟୁନିସିପାଲଟି ସଭାପତି ଧ୍ରୁବଚରଣ ପାଳ, ବରିଷ୍ଠ ନେତା ମହେନ୍ଦ୍ର ଦାସ, ଉମାକାନ୍ତ ମହାପାତ୍ର, ସୁବ୍ରତ ଦାସ ମହାପାତ୍ର, ପୂର୍ଣ୍ଣଚନ୍ଦ୍ର ପାଣିଗ୍ରାହୀ, ଅଜୟ ପରିଡା, ଅଭିଜିତ୍ ପ୍ରଧାନ, ଶାନ୍ତନୁ ପଟ୍ଟନାୟକ ପ୍ରମୁଖ ଉପସ୍ଥିତ ରହି ଆଗାମୀ ନିର୍ବାଚନରେ ସମସ୍ତ କର୍ମୀ ଲୋକସଭା ଓ ବିଧାନ ସଭାର ପ୍ରାର୍ଥୀଙ୍କୁ ବିପୁଳ ସଂଖ୍ୟାରେ ଜିତାଇ ଆଣିବାପାଇଁ ଗୁରୁମନ୍ତ୍ର ଦେଇଥିଲେ । ଏହି ଉପଲକ୍ଷେ ଖାଲିନା ପଂଚାୟତରୁ ୨୦ରୁ ଉ ଦ୍ଧ୍ୱର୍ ଅନ୍ୟଦଳର କର୍ମୀମାନେ ବିଜେପିରେ ଯୋଗ ଦେଇଥିଲେ । ବିଜେପିରେ ଯୋଗ ଦେଇଥିବା କର୍ମୀ ମାନଙ୍କୁ ଦଳୀୟ ଟୋପି ଏବଂ ଉତ୍ତୋରୀୟ ଦେଇ ସମ୍ବର୍ଦ୍ଧିତ କରିଥିଲେ । ଅନୁରୂପଭାବେ ଗତକାଲି ପଂଚୁଘଣ୍ଟାଠାରେ ପୂର୍ବତନ ଉପନଗରପାଳ ମଲ୍ଲି ସୋରେନ୍ଙ୍କ ସମେତ ବହୁ ଅନ୍ୟଦଳର କର୍ମୀ ପୂର୍ବତନ ବିଧାୟକ ତଥା ବିଜେପି ପ୍ରାର୍ଥୀ ଜୟନାରାୟଣ ମହାନ୍ତିଙ୍କ ଉପସ୍ଥିତିରେ ବିଜେପିରେ ସାମିଲ ହୋଇଥିଲେ । ଆଜିର ପାର୍ଟି କାର୍ଯ୍ୟାଳୟ ଉଦ୍ଘାଟନ ଉତ୍ସବରେ ଦିବ୍ୟକାମ ମହାନ୍ତି, ସୁବ୍ରତ ଘୋଷ, ଫାଲଗୁନି ପାଣିଗ୍ରାହୀ, ମାନସ ପାଠୀ, ରାଜେଶ ସାହୁ, ସୁଶାନ୍ତ କୋୟାଲ, ସତ୍ୟ ଚାନ୍ଦ ପ୍ରମୁଖ ପରିଚାନା କରିଥିଲେ ।
ରିପୋର୍ଟ : ଭୂପତି କୁମାର ପରିଡା