ଜଳେଶ୍ୱର (ସମୃଦ୍ଧ ଓଡିଶା) ପବିତ୍ର ସାଧାରଣତନ୍ତ୍ର ଦିବସ ଅବସରରେ ଜଳେଶ୍ୱର ରୋଟ୍ରାକ୍ଟ କ୍ଲବ ପକ୍ଷରୁ ପ୍ରଥମ ଥର ପାଇଁ ଉତ୍ତର ବାଲେଶ୍ୱର ଅଂଚଳର ଅବସରପ୍ରାପ୍ତ ୫ଜଣ ପ୍ରତିରକ୍ଷା ଅଧିକାରୀଙ୍କୁ ସମ୍ବର୍ଦ୍ଧିତ କରାଯାଇଛି । କ୍ଲବର ସଭାପତି ହାସିରୁଦ୍ଦିନ ବକ୍ସଙ୍କ ପୌରହିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିରୂପେ ଜଳେଶ୍ୱର ବିଡିଓ ନିତ୍ୟାନନ୍ଦ ସାହୁ, ସମ୍ମାନୀତ ଅତିଥିରୂପେ ଜଳେଶ୍ୱର ଥାନା ଆଇଆଇସି ଧନେଶ୍ୱର ସାହୁ ଯୋଗଦେଇ ସେମାନଙ୍କର ଉଜ୍ଜଳ ଭବିଶ୍ୟତ କାମନା କରିଥିଲେ । ଅଶୋକ କୁମାର ଦାସ, ଅଶୋକ କୁମାର ଜେନା, ମନୋଜ କୁମାର ଜେନା, ପରେଶ ଚନ୍ଦ୍ର ଶତପଥି ଓ ରାମଚନ୍ଦ୍ର ଦାସଙ୍କୁ ମୁଖ୍ୟ ଅତିଥି ଟ୍ରଫି ଓ ପୁଷ୍ପଗୁଚ୍ଛ ପ୍ରଦାନ କରି ସମ୍ବର୍ଦ୍ଧିତ କରିଥିଲେ । ରୋଟାରିଆନ୍ ତାରାପଦ ମହାନ୍ତିଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ରୋଟାରୀ କ୍ଲବର ପୂର୍ବତନ ସଭାପତି ସତ୍ୟସୂନ୍ଦର ଦାସ, ପ୍ରବୀର କୁମାର ପ୍ରଧାନ, ସୁବ୍ରତ କୁମାର ରଣା, ସମାଜସେବୀ ଶିଶିର କୁମାର ହୁଇ, ଶିକ୍ଷାବିତ୍ ଡ. ଅଜିତ୍ କୁମାର ମହାନ୍ତି, ରୋଟ୍ରାଟ୍ କ୍ଲବର ସଂପାଦକ ନିହାର ଖୁଣ୍ଟିଆ, ପୂର୍ବତନ ସରପଂଚ ମଧୁସୂଦନ ଦତ୍ତ ପ୍ରମୁଖ ଉପସ୍ଥିତ ଥିଲେ ।
ରିପୋର୍ଟ : ଭୂପତି କୁମାର ପରିଡା