ଜଳେଶ୍ୱର (ସମୃଦ୍ଧ ଓଡିଶା) ବାଲେଶ୍ୱର ଜିଲାର ସମାଜକଲ୍ୟାଣ ଅଧିକାରିଣୀ ରୂପେ ନୂତନ ଭାବେ ଦାୟିତ୍ୱ ଗ୍ରହଣ କରିଥିବା କୁସୁମ ମାଳା ମିଶ୍ର ପ୍ରଥମ ଥର ପାଇଁ ଜଳେଶ୍ୱର ସିଡିପିଓ କାର୍ଯ୍ୟାଳୟକୁ ପରିଦର୍ଶନ ପାଇଁ ଆସିଥିଲେ । ପ୍ରଥମେ ସେ କାର୍ଯ୍ୟାଳୟରେ ପହଞ୍ଚି ବିଭିନ୍ନ ଅଙ୍ଗନୱାଡି କେନ୍ଦ୍ର ଓ ଛତୁଆ ଯୋଗାଣକାରୀ ସଂସ୍ଥା ମାନଙ୍କର କାର୍ଯ୍ୟକୁ ସମୀକ୍ଷା କରିଥିଲେ ।ଏହି ସମୟରେ ବିନିତାମଣି ସିଂ, ସ୍ନେହଲତା ଦାସ, ସୁନିତା ଟୁଡୁ, ସସ୍ମିତା ପଣ୍ଡା, ପାର୍ବତୀ ହେମ୍ବ୍ରମ, ସୀତାରାଣୀ ଟୁଡୁ ପ୍ରମୁଖ ସୁପରଭାଇଜରମାନେ ଉପସ୍ଥିତ ଥିଲେ । ପରେ ଶ୍ରୀମତୀ ମିଶ୍ର ଛତୁଆ ଯୋଗାଣ ସଂସ୍ଥ ସୁବର୍ଣ୍ଣା ମହାସଂଘ ଦ୍ୱାରା ପରିଚାଳିତ ଛତୁଆ ଉତ୍ପାଦନ କେନ୍ଦ୍ରକୁ ପରିଦର୍ଶନ କରି ଯାଞ୍ଚ କରିଥିଲେ ।
ରିପୋର୍ଟ : ଭୂପତି କୁମାର ପରିଡା