ଭୁବନେଶ୍ୱର (ସମୃଦ୍ଧ ଓଡିଶା) ଜୀବନଦାତା ସାଜିଲେ ଆରପିଏଫ୍ କନେଷ୍ଟବଳ ଆଉ ଚଳନ୍ତା ଟ୍ରେନ୍ ତଳୁ ବଞ୍ଚାଇଲେ ମହିଳାଙ୍କ ଜୀବନ । ଏଭଳି ଏକ ଘଟଣା ଦେଖିବାକୁ ମିଳିଛି ରାଜ୍ୟ ରାଜଧାନୀ ଭୁବନେଶ୍ୱର ରେଳ ଷ୍ଟେସନରେ । ଶୁକ୍ରବାର ସନ୍ଧ୍ୟା ୫.୨୦ ମିନିଟ ସମୟର ଘଟଣା, ଭୁବନେଶ୍ୱର ରେଳ ଷ୍ଟେସନରେ ପୁରୀ-ସମ୍ବଲପୁର ଏକ୍ସପ୍ରେସରେ ଚଢୁଥିଲେ ରମାଦେବୀ ବିଶ୍ୱବିଦ୍ୟାଳୟର ଆଇ.ଟି ଅଧ୍ୟ୍ୟାପିକା ନିବେଦିତା ସାହୁ । ଅଧ୍ୟ୍ୟାପିକା ଟ୍ରେନରେ ଚଢିବା ସମୟରେ ଟ୍ରେନଟି ଚଳନ୍ତା ଅବସ୍ଥାରେ ଥିଲା । ଚଳନ୍ତା ଟ୍ରେନରେ ଚଢିବା ସମୟରେ ଅସାବଧାନତା ହେତୁ ତାଙ୍କ ଗୋଡ ଖସି ଯାଇଥିଲା । ଯାହା ଫଳରେ ସେ ଟ୍ରେନ୍ ତଳକୁ ଗଳି ପଡୁଥିଲେ । ଏହି ସମୟରେ ପ୍ଲାଟଫର୍ମରେ ମୁତୟନ ଥିବା ଆରପିଏଫ୍ କନେଷ୍ଟବଳ ସୁବ୍ରତ କୁମାର ମହାରଣା ଏବଂ ଅନ୍ୟ ଦୁଇ ବ୍ୟକ୍ତି ଅଧ୍ୟ୍ୟାପିକା ନିବେଦିତା ସାହୁଙ୍କୁ ଟାଣି ଆଣିଥିଲେ । ଯାହା ଫଳରେ ନିବେଦିତାଙ୍କ ଜୀବନ ବଞ୍ଚିଯାଇଛି ।
ରିପୋର୍ଟ : ଆକାଶ ମିଶ୍ର