ଜଳେଶ୍ଵର (ସମୃଦ୍ଧ ଓଡିଶା) ଦୀର୍ଘ ଦିନ ରାସ୍ତା ଖରାପ ହେବା ପରେ, ଏବେ ଜଳେଶ୍ଵର ଠାରୁ କେଶପୁରା ପର୍ଯ୍ୟନ୍ତ ପ୍ରଧାନମନ୍ତ୍ରୀ ସଡ଼କ ଯୋଜନାରେ ଠିକାଦାର ୨ଟି ପର୍ଜାୟରେ କାର୍ଯ୍ୟ ଆରମ୍ଭ କରୁଥିବା ଦେଖିବାକୁ ମିଳିଛି । ଗୋଟିଏ ରାସ୍ତା ଜଳେଶ୍ଵର ଠାରୁ ରାୟାଁରାମଚନ୍ଦ୍ରପୁର ଗ୍ରାମର ପଚାବାବୁ ଛକ ପର୍ଯ୍ୟନ୍ତ ପ୍ରାୟ ୩ କୋଟି ୬୫ ଲକ୍ଷ ଅନ୍ୟ ଗୋଟିଏ ରାୟାଁରାମଚନ୍ଦ୍ରପୁର ପଚାବାବୁ ଛକ ଠାରୁ କେଶପୁରା ପର୍ଯ୍ୟନ୍ତ ୧ କୋଟି ୪୮ ଲକ୍ଷ ଟଙ୍କାର ରାସ୍ତା ନିର୍ମାଣ ହେଉଥିବା ଜଣାପଡ଼ିଛି । ଏହି ଦୁଇଟି ପର୍ଯାୟ କାର୍ଯ୍ୟ ଆରମ୍ଭ ହୋଇଛି । ରାୟାଁରାମଚନ୍ଦ୍ରପୁର ଠାରୁ କେଶପୁରା ରାସ୍ତାଟି କେଶପୁରା ହାଟ ଠାରୁ କାର୍ଯ୍ୟ ଆରମ୍ଭ ହୋଇଥିବା ବେଳେ ଧୂଳିବାଲି ବା ଚୋରାବାଲି ଏବଂ ଡେମେଜ ହୋଇଥିବା ନିମ୍ନ ମାନର ସିମେଣ୍ଟରେ ଯାହାର ତିଆରି ତାରିଖ ନାହିଁ କି ଅବଦ୍ଧି ତାରିଖ ମଧ୍ୟ ନାହିଁ । ସେହି ସିମେଣ୍ଟରେ କାର୍ଯ୍ୟ ଆରମ୍ଭ କରିଥିବା ଦେଖିବାକୁ ମିଳିଛି ଓ ସେହି ନିମ୍ନ ମାନର ଡେମେଜ ସିମେଣ୍ଟରେ କାର୍ଯ୍ୟ ଆରମ୍ଭ ହୋଇଯାଇ ଥିବାରୁ ୨୪ ଘଣ୍ଟା ନ ପୁରୁଣୁ କେଶପରା ହାଟ ପାଖରେ ବହୁ ସ୍ଥାନରେ ରାସ୍ତା ଫାଟି ଯିବାରୁ ବହୁ ସମୟ ଧରି କାର୍ଯ୍ୟ ଜନ ସାଧାରଣଙ୍କ ଦ୍ୱାରା ବନ୍ଦ ହୋଇ ଯାଇଥିଲା । ପୁଣି ସେମାନେ ବାଲି ବଦଳାଇ ଦେଇ ସେହି ଡେମେଜ ସିମେଣ୍ଟରେ କାର୍ଯ୍ୟ କରୁଥିବାରୁ ଜନ ସାଧାରଣଙ୍କ ଅସନ୍ତୋଷ ବଢ଼ି ବଢ଼ି ଚାଲିଛି । ଅପର ପକ୍ଷରେ ଆରଡି ବିଭାଗର କୌଣସି ଅଧିକାରୀ ତଦାରଖ ନ କରି କିମ୍ଵା କାମ ହେଉଥିବା ସ୍ଥାନରେ ନ ରହି ଠିକାଦାର ହାତରେ ଛାଡ଼ି ଦେଇଥିବାରୁ ନିମ୍ନ ମାନର କାର୍ଯ୍ୟ ନିର୍ମାଣ ହେଉ ଥିବା ଜନସାଧାରଣରେ ଆଲୋଚନା ହେଉଛି । ପ୍ରକାଶ ଥାଉକି ଏହି ରାସ୍ତାରେ ପ୍ରାୟ ବାଲିଆପାଳ ବ୍ଲକର ବହୁ ପଞ୍ଚାୟତ ବାସୀ ଓ ଜଳେଶ୍ଵର ଓ ବସ୍ତା ବ୍ଲକର ବହୁ ଲୋକ ଯାତାୟାତ କରୁ ଥିବାରୁ, ବିଭାଗୀୟ ଅଧିକାରୀ ତୁରନ୍ତ ଏହାର ତଦନ୍ତ କରି ଏହି ଫଟା ରାସ୍ତାକୁ ଭାଙ୍ଗି ନୂଆ ରାସ୍ତା କରିବାକୁ ଅନୁରୋଧ କରାଯାଇଛି । ଭିବାଗୀୟ ଅଧିକାରୀଙ୍କ ସହ ଯୋଗାଯୋଗ ପରେ ଗତକାଲି ଅପରାହ୍ନରେ ତଦନ୍ତ କରି ଫେରି ଯାଇଛନ୍ତି । ମାତ୍ର ସେଠାକୁ ଡେମେଜ ସିମେଣ୍ଟ ଆସି କାହା ଇଙ୍ଗିତରେ ରାସ୍ତା କାର୍ଯ୍ୟ ହେଉ ଥିଲା ଓ ଅଭିଯୋଗ ହେବା ପରେ ପରେ କିଛି ରାସ୍ତା ଉକ୍ତ ଡେମେଜ ସିମେଣ୍ଟରେ କାର୍ଯ୍ୟ ହୋଇ, ପୁଣି ତାହାକୁ ଫେରାଇ ନେଇଯିବା ଆଶ୍ଚର୍ଯ୍ୟ ବିଷୟ ହୋଇଛି । ସୂଚନା ଦିଆ ଯାଉଛି କି, କାର୍ଯ୍ୟର ଅଟକଳ ମୂଲ୍ୟ ବା ପ୍ରକଳ୍ପ ମୂଲ୍ୟର ଫଳକ ଠିକାଦାର ଦ୍ବାରା ଟଙ୍ଗା ଯାଇ ନାହିଁ ।
ରିପୋର୍ଟ : ଭୂପତି ପରିଡା
