ଢେଙ୍କାନାଳ (ସମୃଦ୍ଧ ଓଡିଶା) ଆଜି ସ୍ଥାନୀୟ ଜାଉଁଳି ପୋଖରୀ ମଠ ପ୍ରାଙ୍ଗଣରେ ନିଖିଳ ଓଡିଶା ଏମଡିଏମ ପାଚିକା ସହାୟିକା ସଂଘର ଆହ୍ୱାନରେ ସସ୍ମିତା ରାଉତ ଅବାହକତ୍ୱରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା । ଏହି ସଭାରେ ପାଚିକା ସହାୟିକାମାନଙ୍କର ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇ ବ୍ଲକ କମିଟି ଗଠନ କରାଯିବାକୁ ନିଷ୍ପତି ନିଆଯାଇ କର୍ମକର୍ତ୍ତା ନିର୍ବାଚନ କରାଯାଇଥିଲା । ଉପଦେଷ୍ଟା ଭାବରେ ଗୀତାଞ୍ଜଳି ବେହେରା, ସଭାପତି କବିତା ପାତ୍ର, ଉପସଭାପତିରେ ବତୀ ଦାସ, ସଂପାଦକ ସସ୍ମିତା ରାଉତ, ସହସଂପାଦକ ସୁନିତା ମହାପାତ୍ର, କୋଷାଧ୍ୟକ୍ଷ ଭାବେ ଅଶାନ୍ତି ବେହେରା ନିର୍ବାଚିତ ହେବା ସହିତ ୧୨ ଜଣିଆ କମିଟି ଗଠନ କରାଯାଇଥିଲା । ଏହି ସଭାରେ ଏଆଇଟିୟୁସି ରାଜ୍ୟ ଉପସଭାପତି ହରପ୍ରିୟା ସ୍ୱାଇଁ ଜିଲ୍ଲା ସଭାପତି ରବି ରଥ ଯୋଗଦେଇ ଆସନ୍ତା ୭ ତାରିଖରେ କରିବାକୁ ଥିବା ଆନ୍ଦୋଳନ ଉପରେ ବକ୍ତବ୍ୟ ପ୍ରଦାନ କରିଥିଲେ । ଏହି ବୈଠକରେ ପ୍ରାୟ ଦୁଇ ଶହ ପଚାଶରୁ ଉର୍ଦ୍ଧ ପାଚିକା ସହାୟିକା ଯୋଗ ଦେଇଥିଲେ । ଶେଷରେ ସଭାପତି କବିତା ପାତ୍ରଙ୍କୁ ଧନ୍ୟ ବାଦ ଅର୍ପଣ କରି ସଭା ଭଙ୍ଗ କରିଥିଲେ ।
ରିପୋର୍ଟ : ଶୁଭମ କୁମାର ପାଣି