ଛତ୍ରପୁର (ସମୃଦ୍ଧ ଓଡିଶା) ବେଗୁନିଆପଡା ବ୍ଲକ ତାଳସର ପଞ୍ଚାୟତର କାର୍ଯ୍ୟନିର୍ବାହୀ ଅଧିକାରୀ (ଗ୍ରାମସେବକ) ସୁବାଷ ଚନ୍ଦ୍ର ଦଳ ବେହେରାଙ୍କୁ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ କାର୍ଯ୍ୟରୁ ନିଲମ୍ବିତ କରିଥିବା ସୂଚନା ମିଳିଛି । ସୂଚନା ଅନୁଯାୟୀ ୨୦୧୪/୧୫ରେ ପଞ୍ଚାୟତର ଏକ ହିତାଧିକାରୀଙ୍କ ବିଜୁ ପକ୍କା ଘର ଯୋଜନାରେ ମଞ୍ଜୁରୀ ହୋଇଥିବା ଅର୍ଥକୁ ଗ୍ରାମସେବକ ହଡପ କରିଥିବା ନେଇ ପୂର୍ବରୁ ଅଭିଯୋଗ ହୋଇଥିଲା । ଏହାପରେ ଜିଲ୍ଲାପାଳ ଏହାର ତଦନ୍ତ କରିବାକୁ ଏପିଡିଙ୍କୁ ଦାୟିତ୍ୱ ଦେଇଥିଲେ । ତଦନ୍ତ ରିପୋର୍ଟ ପାଇବା ପରେ ଜିଲ୍ଲାପାଳ ତାଙ୍କୁ ଗତକାଲି କାର୍ଯ୍ୟରୁ ନିଲମ୍ବିତ କରିଥିବା ଜଣାପଡିଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା