ଜଳେଶ୍ୱର (ସମୃଦ୍ଧ ଓଡିଶା) ନିକଟରେ ପରଲୋକ ଗମନ କରିଥିବା ଦିଗମ୍ବରୀ ମହନ୍ତିଙ୍କ ବିୟୋଗରେ ଆଜି ଜଳେଶ୍ୱରର ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ସମାଜ କଲ୍ୟାଣ ବିକାଶ ପରିଷଦ ପକ୍ଷରୁ ଏକ ଶୋକ ସଭା ଷ୍ଟେସନବଜାର କାଳୀମନ୍ଦିରରେ ଅନୁଷ୍ଠିତ ହୋଇଯାଇଛି । ଏଥିରେ ପରିଷଦର ସମ୍ପାଦକ ଆଇନ୍ଜିବୀ ରାମଚନ୍ଦ୍ର ଜେନା ସଭାପତିତ୍ୱ କରି ଜଳେଶ୍ୱରରେ ଗଢି ଉଠିଥିବା ବିଭିନ୍ନ ଅନୁଷ୍ଠାନ ତାଙ୍କ ନାମରେ ନାମିତ ହୋଇଥିବା ସଂପର୍କରେ କହିଥିଲେ । ଅନ୍ୟମାନଙ୍କ ମଧ୍ୟରେ ଶରତଚନ୍ଦ୍ର ପରିଡା, ସିଦ୍ଧେଶ୍ୱର ପଣ୍ଡା, ରିଆଜ୍ ଖାଁ, ଆଦିତ୍ୟନାରାୟଣ ପାତ୍ର ଓ ରବିନ୍ଦ୍ର ପାତ୍ର ପ୍ରମୁଖ ଯୋଗ ଦେଇ ଦିଗମ୍ବରୀ ମହାନ୍ତିଙ୍କ ବହୁମୁଖୀ ପ୍ରତିଭା, ପରପୋକାର, ଦରିଦ୍ରଙ୍କୁ ସହାୟତା, କର୍ତ୍ତବ୍ୟନିଷ୍ଠ, ସାଧନା ସଂପର୍କରେ ସ୍ମୃତି ଚାରଣ କରି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ।
ରିପୋର୍ଟ : ଭୂପତି ପରିଡା
