ଜଳେଶ୍ୱର (ସମୃଦ୍ଧ ଓଡିଶା) ଗତ ୨ବର୍ଷ ଧରି ଜଳେଶ୍ୱର ବ୍ଲକର ଆସିଡିଏସ୍ ବିଭାଗର ସିଡିପିଓ ପଦବି ଖାଲି ପହିଥିବା ବେଳେ ଆଜି ଅପରାହ୍ନରେ କରଞ୍ଜିଆରୁ ଆସି ଦିପ୍ତିମୟୀ ପୋଥାଳ କାର୍ଯ୍ୟରେ ଯୋଗ ଦେଇଛନ୍ତି । ୨ବର୍ଷ ପୂର୍ବେ ପୁଷ୍ପଲତା ପାତ୍ରଙ୍କ ଗତ ୧୪-୧-୧୮ରେ ଅନ୍ୟତ୍ର ବଦଳୀ ହେବା ପରେ ତତ୍କାଳୀନ ବିଡିଓ ନେତ୍ରାନନ୍ଦ ମଲ୍ଲିକ ୧୫-୧-୨୦୧୮ରୁ ୩୧-୮-୨୦୧୮ ଏବଂ ପରେ ବସ୍ତା ବିଡିଓ ୧-୯-୨୦୧୮ରୁ ୧୮-୯-୨୦୧୮ ପର୍ଯ୍ୟନ୍ତ ଦାୟିତ୍ୱ ତୁଲାଇଥିବା ବେଳେ ବର୍ତ୍ତମାନର ବିଡିଓ ନିତ୍ୟାନନ୍ଦ ସାହୁ ତା ୧୯-୯-୧୮ ଠାରୁ ଅଦ୍ୟାବଧି ଦାୟିତ୍ୱରେ ରହିଛନ୍ତି । ଆଜି ସିଡିପିଓ ଦୀପ୍ତିମୟୀ ପୋଥାଳ ର୍କାର୍ଯ୍ୟରେ ଯୋଗ ଦେବାପରେ ଅଙ୍ଗନୱାଡି ସଂଘ ପକ୍ଷରୁ ସବିତା ପରିଡା, ବନଜା ଦାସ, ଲକ୍ଷ୍ମିପ୍ରିୟା ଦାସ, ମିନତି ପାଣିଗ୍ରାହୀ, ଛବିରାଣି ପରିଡା, ସୁଲୋଚନା ଦିନ୍ଦା, କଳ୍ପନା ଦେ, ନିରୁପମା ପ୍ରଧାନ, ସଂଧ୍ୟାରାଣୀ କର୍ମକାର ତାଙ୍କୁ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା କରିଥିଲେ । ସେହିପରି କାର୍ଯ୍ୟାଳୟ ତରଫରୁ ବିନତାମଣି ସିଂ, ସ୍ନେହଲତା ଦାସ, ବୈଜୟନ୍ତି ମୁଦୁଲି, ଚଞ୍ଚଳା ବାରିକ, କନକଲତା ବାରିକ, ପାର୍ବତୀ ହେମ୍ବ୍ରମ, ସଂଚୟତା ସାମନ୍ତ, ସୀତା ମାଝୀ, ସୁନିତା ଟୁଡୁ, ଶ୍ରଦ୍ଧାଞ୍ଜଳି ଭାରତୀ, ସୁସ୍ମିତା ପଣ୍ଡା ଓ ଆରାଧନା ସାଥୁଆଙ୍କ ସହିତ ନମିତା ସିଂ, ମିନାରାଣି ସଂ, ରାଜେଶ କୁମାର ଭଂଜ ଓ ବୁଦ୍ଧିରାମ ଟୁଡୁ ପ୍ରମୁଖ ଶ୍ରୀମତୀ ପୋଥାଳଙ୍କୁ ସମ୍ବର୍ଦ୍ଧନା ଦେଇଥିବା ବେଳେ ସେ ବିଭିନ୍ନ ବିଷୟରେ ପଚାରି ବୁଝିଥିଲେ । ପରେ ବିଡିଓ ନିତ୍ୟାନନ୍ଦ ସାହୁ ଓ ପଞ୍ଚାୟତ ସମିତି ଅଧ୍ୟକ୍ଷା ସବିତା ଦଳେଇଙ୍କୁ ସାକ୍ଷାତ କରିଥିଲେ ।
ରିପୋର୍ଟ : ଭୂପତି କୁମାର ପରିଡା