ସାନଖେମୁଣ୍ଡି (ସମୃଦ୍ଧ ଓଡିଶା) ସାନଖେମୁଣ୍ଡି ବ୍ଲକ ଅନ୍ତର୍ଗତ ପାଟପୁର ଗ୍ରାମର ଶାନ୍ତି ନାୟକଙ୍କୁ ବ୍ଲକ ଗୋଷ୍ଟି ଉନ୍ନୟନ ଅଧିକାରୀ ଶିବଶଙ୍କର ମିଶ୍ରଙ୍କ ସାହାଯ୍ୟ ଓ ସହାୟତା ଯୋଗୁଁ ଦୃଷ୍ଟି ହୀନ ହୋଇଥିବା ଶାନ୍ତି ନାୟକ ଆଜି ତାଙ୍କର ଦୃଷ୍ଟି ଫେରି ପାଇଛନ୍ତି । ଶାନ୍ତି ନାୟକ ଆଜି ୬୦ଜୋନର ଜିଲ୍ଲା ପରିଷଦ ସଭ୍ୟ ଗଦାଧର ସ୍ୱାଇଁଙ୍କ ସହଯୋଗ କ୍ରମେ ସେ ଦୃଷ୍ଟି ଶକ୍ତି ଫେରି ପାଇ ଖୁସିରେ ଶିବଶଙ୍କର ମିଶ୍ରଙ୍କୁ ଫୁଲ ତୋଡ଼ା ଦେଇ ଧନ୍ୟବାଦ ଜଣାଇଛନ୍ତି । ଶାନ୍ତି ନାୟକଙ୍କ ଦୃଷ୍ଟି ଶକ୍ତି ଖରାପ ଥିବାରୁ ସେ ଆଦୌ ଦେଖି ପାରୁ ନଥିଲେ ତାଙ୍କ ପାଖରେ ଚିକିତ୍ସା ପାଇଁ ଆର୍ଥିକ ଅନଟନ ଥିବାରୁ ମଧ୍ୟ ସେ ଚିକିତ୍ସା ହୋଇପାରୁ ନ ଥିଲେ । କିନ୍ତୁ ସ୍ଥାନୀୟ ବିଡିଓ ଶିବ ଶଙ୍କର ମିଶ୍ରଙ୍କ ସାହାର୍ଯ୍ୟ ଓ ସହଯୋଗ ପାଇ ଚିକିତ୍ସା ହେଲା ପରେ ଶାନ୍ତି ନାୟକ ତାଙ୍କର ଦୃଷ୍ଟି ଶକ୍ତିରେ ଫେରି ପାଇଛନ୍ତି । ଦୃଷ୍ଟି ଶକ୍ତି ଫେରି ପାରିବା ପରେ ସେ ନିଜକୁ ଧନ୍ୟ ମନେ କରିବା ସହ ସବୁ କିଛି ଦେଖି ପାରୁ ଥିବାରୁ ବେଶ ଉଲ୍ଲାସ ଓ ଆହ୍ଲାଦିତ ହୋଇ ବିଡିଓ ମିଶ୍ରଙ୍କୁ କୃତଜ୍ଞତା ଜଣାଇଛନ୍ତି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା