ଜଳେଶ୍ୱର (ସମୃଦ୍ଧ ଓଡିଶା) ବାଲେଶ୍ୱର ଜିଲ୍ଲାର ଜଳେଶ୍ୱର ଥାନା ଅନ୍ତର୍ଗତ ଆମ୍ବଳିଅଠା ଗ୍ରାମର ସ୍ୱର୍ଗତ କାହ୍ନୁଚାରଣ ନନ୍ଦୀଙ୍କ ଏକମାତ୍ର ପୁତ୍ର ସୁକାନ୍ତ ନନ୍ଦି ଓରଫ ଜିତୁ ନନ୍ଦି(୪୭) ଆଜି ନିଜ ବାସଭବନରେ ଆତ୍ମହତ୍ୟା ଉଦ୍ୟମ କରି ଗୁରୁତର ହୋଇଥିବା ଜଣାପଡିଛି । ତାର ଦେହର ୭୦ଭାଗ ପୋଡି ଯାଇଥିବା ବେଳେ ତାକୁ ପ୍ରଥମେ ଜଳେଶ୍ୱର ଜିକେଭଟ୍ଟର ଓ ପରେ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଘଟଣାରୁ ପ୍ରକାଶ ତାର ପାରିବାରିକ ଅଶାନ୍ତି ଲାଗି ରହୁଥିବାରୁ ସେ ସବୁବେଳେ ମର୍ମାହତ ଅବସ୍ଥାରେ ରହୁଥିଲା । ଆଜି ଅପରାହ୍ନରେ ନିଜ ଶୋଇବା ଘରେ ଦେହରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ । ଗ୍ରାମବାସୀ ତାକୁ ଉଦ୍ଧାର କରି ହସ୍ପିଟାଲ ନେଇଥିବା ବେଳେ ଆତ୍ମହତ୍ୟାର କାରଣ ଜଣାପଡି ନାହିଁ । ପ୍ରକାଶ ଯୋଗ୍ୟ ଏହି ସମୟରେ ତାର ଘରେ କେହି ନ ଥିଲେ । ସେ ନିଶାସକ୍ତ ଥିବା କାରଣରୁ ତାର ସ୍ତ୍ରୀ କିଛି ବର୍ଷ ଧରି ତା ନିକଟରୁ ଦୂରେଇ ରହୁଥିଲେ । ଏବେ ସେ ଏକ ଘରୋଇ ବାଲି ଖାଦାନରେ ମ୍ୟାନେଜର ଭାବେ କାର୍ଯ୍ୟ କରୁଥିଲେ ।
ରିପୋର୍ଟ : ଭୂପତି କୁମାର ପରିଡା