ଛତ୍ରପୁର (ସମୃଦ୍ଧ ଓଡିଶା) ଆଜି ପବିତ୍ର ସ୍ନାନ ପୂର୍ଣ୍ଣିମା । ଏହି ଅବସରରେ ଛତ୍ରପୁରର ପ୍ରଭୁ ଗୌରୀ ଶଙ୍କର ମହାଦେବଙ୍କ ମନ୍ଦିର ପ୍ରାଙ୍ଗଣରେ ଥିବା ଦୁର୍ଲଭ ରୁଦ୍ରାକ୍ଷ ବୃକ୍ଷ ନିକଟରେ ହୋମ ଯଜ୍ଞ ଆଦି କର୍ମ କରାଯାଇଛି । ସୂଚନା ଯେ ଛତ୍ରପୁର ସହର ଓ ଆଖପାଖ ଅଞ୍ଚଳର କୌଣସି ମନ୍ଦିରରେ ଏହି ରୁଦ୍ରାକ୍ଷ ବୃକ୍ଷ ଦେଖିବାକୁ ମିଳୁନାହିଁ । ଏହା ଗୋଟିଏ ପବିତ୍ର ବୃକ୍ଷ ।ଏହି ହୋମଯଜ୍ଞରେ ଭକ୍ତ ଭାବରେ ତ୍ରିଲୋଚନ ସାହୁ ଓ ତାଙ୍କ ପରିବାର ବର୍ଗଙ୍କ ସମେତ ଟି. ଚନ୍ଦ୍ରଶେଖର, ଏ.ରାବଣା ରାଓ, ୱାଜା ରାଜୁ, ଚନ୍ଦ୍ର ଶେଖର ପଟ୍ଟନାୟକ, ପ୍ରସାଦ ପଟ୍ଟନାୟକ, ଗଣେଶ ଅଂଶ ଗ୍ରହଣ କରି ପୂଜା ଅର୍ଚ୍ଚନା କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା