ପାରଳାଖେମୁଣ୍ଡି (ସମୃଦ୍ଧ ଓଡିଶା)ପାରଳାଖେମୁଣ୍ଡି ନିର୍ବାଚନ ମଣ୍ଡଳୀର କାଶୀନଗର ବ୍ଲକ ଅଧିନସ୍ତ ସୀତାପୁର ଗ୍ରାମ ପଞ୍ଚାୟତର ବାଇଝାଳଗୁଡା ଗ୍ରାମର ଡାନିଏଲ ରାଇତା, ଆୟିବୁ ଭୂୟାଁ ,ଈଷତପା ରାଇତା ପ୍ରମୁଖଙ୍କ ସମେତ କିଛି କଂଗ୍ରେସ କର୍ମୀ ଆଜି ପାରଳାଖେମୁଣ୍ଡି ବିଜେଡି କାର୍ଯ୍ୟାଳୟରେ ପହଞ୍ଚି ପୂର୍ବତନ ବିଧାୟକ କେ .ନାରାୟଣ ରାଓ ଙ୍କ ଉପସ୍ଥିତିରେ ବିଜେଡି ରେ ଯୋଗ ଦେଇଛନ୍ତି । ମୁଖ୍ୟମନ୍ତ୍ରୀଙ୍କ ବିକାଶ ଶୀଳ କାର୍ଯ୍ୟରେ ଆଗ୍ରହ ପ୍ରକାଶ କରି ସେମାନେ ବିଜେଡି ରେ ଯୋଗ ଦେଇଛନ୍ତି ବୋଲି କହିଛନ୍ତି । ତେବେ ରାଜ୍ୟର ଏତେ ବଡ଼ ଶିକ୍ଷାନୁଷ୍ଠାନର ଶିଳ୍ପପତି ଡ଼ଃ ତିରୁପତି ପାଣିଗ୍ରାହୀ ପାରଳାଖେମୁଣ୍ଡି ନିର୍ଵାଚନ ମଣ୍ଡଳୀକୁ କଂଗ୍ରେସ ପାଇଁ ସଙ୍ଗଠନ କରୁଥିବା ବେଳେ କୋଟି କୋଟି ଟଙ୍କା ଖର୍ଚ୍ଚ କରି ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ,ଖେଳ,ଗରିବ ଲୋକଙ୍କୁ ଆର୍ଥୀକ ସହାୟତାଦେବା ଆଦି କାର୍ଯ୍ୟକ୍ରମ କରି ଲୋକଙ୍କ ଠାରୁ ଲୋକପ୍ରିୟତା ଅର୍ଜନ କରୁଥିବା ବେଳେ ତାଙ୍କ ନିଜ ବ୍ଲକର କିଛି କଂଗ୍ରେସ କର୍ମୀ ବିଜେଡିରେ ଯୋଗଦେବା ସମସ୍ତଙ୍କୁ ଚକିତ କରିଛି । ପୁଣି ନିର୍ଵାଚନ ପାଖେଇ ଆସିଗଲାଣି। ଘର ସଜାଡିବା ବେଳରେ ଛାତ ଉଡିଯାଉଛି। ସଙ୍ଗଠନ ଆନ୍ତରିକତା ସହ କରିବାକୁ ପର୍ଯ୍ୟବେକ୍ଷକମାନେ ମତ ଦେଇଛନ୍ତି ।
ରିପୋର୍ଟ : କୃଷ୍ଣ କୁମାର ବେହେରା