ପାରଳାଖେମୁଣ୍ଡି (ସମୃଦ୍ଧ ଓଡିଶା) ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନ କ୍ରମେ ଆଜି ସାରା ଭାରତରେ ଯେଉଁ ଜନତା କର୍ଫ୍ୟୁ ଜାରୀ ରହିଛି ତାହା ଗଜପତି ଜିଲ୍ଲା ପାରଳାଖେମୁଣ୍ଡିରେ ସମ୍ପୂର୍ଣ ସଫଳ ହୋଇଥିବା ଦେଖିବାକୁ ମିଳିଛି । ସହରର କଲେଜ ଛକ, ଦୈନିକ ବଜାର ଏବଂ ସମସ୍ତ ଦୋକାନ ବଜାର ସମ୍ପୂର୍ଣ ବନ୍ଦ ରହିଛି । ଲୋକେ ସ୍ୱଚ୍ଛାକୃତ ଭାବେ ଘରୁ ବାହାରି ନ ଥିବା ଦେଖିବାକୁ ମିଳିଛି । ସହରଟି ଜନଶୁନ୍ୟ ଦେଖାଯାଉଛି । ସମ୍ପୂର୍ଣ୍ଣ ଭାବେ ଵସ୍ ସେବା, ରେଳ ସେବା ବନ୍ଦ ରହିଛି । ଲୋକେ କରୋନା ପାଇଁ ଏହି ଜନତା କର୍ଫ୍ୟୁକୁ ସମ୍ପୁର୍ଣ୍ଣ ପାଳନ କରିଛନ୍ତି । ପ୍ରଶାସନ ତରଫ ପକ୍ଷରୁ ସମସ୍ତ ଛକ ସ୍ଥାନ ରେ ପୋଲିସ ବ୍ୟବସ୍ଥା କରାଯାଇଛି । ପ୍ରଶାସନ ପକ୍ଷରୁ ତହସିଲଦାର ଅଚ୍ୟୁତାନନ୍ଦ ଜାନୀ ସମସ୍ତ ବ୍ୟବସ୍ଥାକୁ ଅନୁଧ୍ୟାନ କରୁଛନ୍ତି । ସେହିପରି ସହରର ସମସ୍ତ ମାଛ, ପନିପରିବାର, ମାଂସ ଦୋଳନ ମଧ୍ୟ ବନ୍ଦ ରହିଛି । ଲୋକେ ସ୍ବେଚ୍ଛାକୃତ ଭାବେ ସମସ୍ତ ବ୍ୟବସାୟ କେନ୍ଦ୍ର ବନ୍ଦ କରିଛନ୍ତି ।
ରିପୋର୍ଟ : କୃଷ୍ଣ କୁମାର ବେହେରା
