ଜଳେଶ୍ୱର (ସମୃଦ୍ଧ ଓଡିଶା) ଭାରତ ଆଜାଦିର ୭୫ବର୍ଷ ପୁର୍ତ୍ତି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ରମୋଦି ଦେଇଥିବା ବାର୍ତ୍ତାକୁ ପ୍ରଚାର କରିବା ଲାଗି ପଶ୍ଚିମବଙ୍ଗର ଜଣେ ଯୁବକ ଗତକାଲି ଶୁକ୍ରବାର ନନ୍ଦିଗ୍ରାମରୁ ଲଦାଖ ସାଇକେଲ ଶୋଭାଯାତ୍ରା କରିଛନ୍ତି । ଘଟଣାରୁ ପ୍ରକାଶ ସେକ୍ ଆସିକ୍ ଇକ୍ବାଲ ନାମକ ଜଣେ ଯୁବକ ପଶ୍ଚିମବଂଗର ନନ୍ଦିଗ୍ରାମରୁ ବାହାରି ଦୀଘା ଓ ଆଜି ପୂର୍ବାହ୍ନ ୧୦ଟାରେ ଜଳେଶ୍ୱର ଉପକଣ୍ଠରେ ପହଞ୍ଚିଥିଲେ । ପ୍ଲାଷ୍ଟିକମୁକ୍ତ ଭାରତ ନିର୍ମାଣର ସଚେତନତା ଲାଗି ସେ ସାଇକେଲରେ ବିଭିନ୍ନ ରାଜ୍ୟ ଅତିକ୍ରମ କରି ସଚେତନତା ସୃଷ୍ଟି କରିବେ ବୋଲି କହିଛନ୍ତି । ଓଡିଶା, ଆନ୍ଧ୍ର, ତାମିଲନାଡୁ, କେରଳ, କର୍ଣ୍ଟାଟକ, ମହାରାଷ୍ଟ, ଗୁଜୁରାଟ, ରାଜସ୍ଥାନ, ପଞ୍ଜାବ, ହିମାଚଳପ୍ରଦେଶ, ଜାମୁ କାଶ୍ମିର ଦେଇ ଲଦାଖରେ ପହଞ୍ଚିବେ ବୋଲି ସେ ସୂଚନା ଦେଇଛନ୍ତି । ସାଢେ ୪ମାସ ଏହି ସାଇକେଲ ଯାତ୍ରାରେ ଏ ସମସ୍ତ ରାଜ୍ୟ ଅତିକ୍ରମ କରି ସଚେତନତାର ବାର୍ତ୍ତା ପ୍ରଚାର କରିବେ ବୋଲି ସାମ୍ବାଦିକ ମାନଙ୍କୁ କହିଛନ୍ତି । ପେସାରେ ସେ ଦର୍ଜି ହୋଇଥିଲେ ମଧ୍ୟ ଜନସଚେତନତା ଓ ମାତୃଭୂମିର ସେବା କରିବାକୁ ସଂକଳ୍ପ ନେଇ ଯାତ୍ରା ଆରମ୍ଭ କରିଥିବା ଜଣାଯାଇଛି ।
ରିପୋର୍ଟ : ଭୂପତି ପରିଡା