ଢେଙ୍କାନାଳ (ଶୁଭମ ପାଣି) ବନ୍ୟଜନ୍ତୁଙ୍କ ଉପଦ୍ରବ ଯୋଗୁଁ ଧନଜୀବନ ନଷ୍ଟ ହେଉଥିବା ବେଳେ ସରକାରଙ୍କ ଉଦାସୀନତାକୁ ନେଇ ନବ ନିର୍ମାଣ କୃଷକ ସଙ୍ଗଠନର ଆନ୍ଦୋଳନ ନିଷ୍ପତ୍ତି ହୋଇଥିବା ଜଣାପଡିଛି । ଢେଙ୍କାନାଳ ସଦର ବ୍ଲକରେ ଦୈନଦିନ ହାତୀ ଉପଦ୍ରବ ଯୋଗୁଁ ଧାନ ଆଜି ଫସଲ ନଷ୍ଟ ହେଉଥିବା ବେଳେ କିଛି ଲୋକ ହାତୀ ଆକ୍ରମଣରେ ମୃତ୍ୟୁ ବରଣ କରିଲେଣି । ସେହିଭଳି ବାରହାମାନେ ମଧ୍ୟ ଧାନ ଫସଲରେ ପଶି ନଷ୍ଟ କରିବାରେ ଲାଗିଛି । ଏହି ବନ୍ୟଜନ୍ତୁ ମାନଙ୍କର ଉପଦ୍ରବ ଅସହ୍ୟ ହୋଇ ପଡିଥିବା ବେଳେ ସରକାର ନିରବ ଦ୍ରଷ୍ଟାରେ ସାଜିଛନ୍ତି । ଏହାର ପ୍ରତିବାଦରେ ଢେଙ୍କାନାଳ ସଦର ବ୍ଲକ ନବ ନିର୍ମାଣ କୃଷକ ସଂଗଠନ ପକ୍ଷରୁ ଆଜି ଦଧିବାମନ ମଠରେ ଏକ ବୈଠକ ବସିଥିଲା । ଏହି ବୈଠକରେ ବ୍ରଜବନ୍ଧୁ ଜେନା ସଭାପତିତ୍ଵ କରିଥିବାବେଳେ ଜିଲ୍ଲା ସଭାପତି ବିପ୍ରବର ସାହୁ ପର୍ଯ୍ୟବେକ୍ଷକ ଭାବେ ଅଂଶ ଗ୍ରହଣ କରିଥିଲେ । ଆସନ୍ତା ୨୯ ତାରିଖରେ କୁଆଖିଆ ଠାରେ ଏକ ରାଜ୍ୟ ସ୍ତରୀୟ ରା଼ଲ୍ଲୀ କରିବାକୁ ନିଷ୍ପତି ହୋଇଥିବା ଜଣାପଡିଛି । ଏଥିରେ ସଦର ବ୍ଲକର ଏକ ହଜାରରୁ ଉର୍ଦ୍ଦ୍ୱ ଚାଷୀ ଯୋଗ ଦେଉଥିବା କୁହାଯାଇଛି । ଆଜିର ଏହି ବୈଠକରେ କିଶୋର ଚନ୍ଦ୍ର ରାଉତ, ଶ୍ରୀକାନ୍ତ ସେଠି, ନୀଳମଣି ବରଳ, ରବି ନାରାୟଣ ଦାସ, ପ୍ରହଲ୍ଲାଦ ରାଉତ, କୁଶ ସେଠି, ପଦ୍ମନାଭ ପରିଡା ପ୍ରମୁଖ ଅଂଶ ଗ୍ରହଣ କରିଥିଲେ ।
