ପଶ୍ଚିମବାର୍ଡ (ସମୃଦ୍ଧ ଓଡିଶା )ପଶ୍ଚିମବଂଗର ବର୍ଦ୍ଧମାନ ଜିଲାରୁ ପୁରୀ ଅଭିମୂଖେ ଯାଉଥିବା ଏକ ବାଇକ୍ ସହ ୬୦ନଂ ଜାତୀୟରାଜପଥର ପଶ୍ଚିମ ବଂଗର ଦାନ୍ତୁନ ଥାନା ଅନ୍ତର୍ଗତ ଘୋଳାଇବାଙ୍କ ଠାରେ ଏକ ୧୦ ଚକିଆ ଟ୍ରଲର ସହ ମୁହାଁମୁହିଁ ଧକ୍କା ଗତ ବିଳମ୍ବିତ ରାତିରେ ଘଟିଛି । ଆଜି ଭୋର ଦାନ୍ତୁନ ପୁଲିସ୍ ଗୁରୁତର ଆହତ ୨ ବାଇକ୍ ଆରୋହୀଙ୍କୁ ଜଳେଶ୍ୱର ଜିକେ ଭଟ୍ଟର ହସ୍ପିଟାଲରେ ଭର୍ତ୍ତି କରିଥିଲେ । ଚିକିତ୍ସତ ଅବସ୍ଥାରେ ବାଇକ୍ ଚଳାଉଥିବା ବର୍ଦ୍ଧମାନ ଜିଲାର ଅଣ୍ଡଲ ଥାନା ଅନ୍ତର୍ଗତ ବାସ୍କା ଗ୍ରାମର ପ୍ରାଣକୃଷ୍ଣ ଗୋସ୍ୱାମୀଙ୍କ ପୁଅ ଶୁଭମ୍ ଗୋସ୍ୱାମୀର (୨୧)ର ମୃତ୍ୟୁ ଘଟିଛି । ସଂଜ୍ଞାହୀନ ଗୁରୁତର ଥିବା କୋସଲ ଗୋସ୍ୱାମୀ (୨୨)ଙ୍କୁ ଆଜି ସେମାନଙ୍କ ପରିବାରବର୍ଗ ଖବରପାଇ ମେଦିନୀପୁର ହସ୍ପିଟାଲ୍କୁ ସ୍ଥାନାନ୍ତରିତ କରିଛନ୍ତି । ଆଶ୍ଚର୍ଯ୍ୟର ବିଷୟ ଦାନ୍ତୁନ ପୁଲିସ୍ ୨ ଗୁରୁତରଙ୍କୁ ଏଠାରେ ଭର୍ତ୍ତି କରି ପଳାଇଯାଇଥିବା ବେଳେ ଜଳେଶ୍ୱର ପୁଲସ୍ ହରଡଘଣାରେ ପଡି ଏକ ଅପମୃତ୍ୟୁ ମାମଲା ରୁଜୁ କରିଛି ।
ରିପୋର୍ଟ : ଭୂପତି କୁମାର ପରିଡା