ଢେଙ୍କାନାଳ (ସମୃଦ୍ଧ ଓଡିଶା) ବାପୁଜୀ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ବାର୍ଷିକ ଉତ୍ସବ କାର୍ଯ୍ୟକ୍ରମ ଆଜି ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଜିଲ୍ଲା ଶିକ୍ଷାଧିକାରୀ ତଥା ଜିଲ୍ଲା ପ୍ରକଳ୍ପ ଅଧିକାରୀ ସୁଧାନନ୍ଦ ପରିଡା ମହୋଦୟ ପ୍ରଦୀପ ପ୍ରଜ୍ଜ୍ଵଳନ କରି ବାର୍ଷିକ ଉତ୍ସବକୁ ଉଦଘାଟନ କରିଥିଲେ । ପ୍ରଧାନ ଶିକ୍ଷୟିତ୍ରୀ ନିର୍ମଳା ଆଚାର୍ଯ୍ୟ ବିଦ୍ୟାଳୟର ବାର୍ଷିକ ବିବରଣୀ ପାଠ କରିଥିଲେ । ସି.ଆର.ସି.ସି ବିଷ୍ଣୁଚରଣ ମଲ୍ଲିକ ଓ ସୁବାସିନୀ ମିଶ୍ର ତଥା ପ୍ରାକ୍ତନ ଛାତ୍ର ଦେବୀ ପ୍ରସାଦ ମିଶ୍ର କାର୍ଯ୍ୟକ୍ରମରେ ସହଯୋଗ କରିଥିଲେ । ପ୍ରାକ୍ତନ ଛାତ୍ର ଗୁପ୍ତେଶ୍ଵର ମିଶ୍ର, କାଶୀନାଥ ମିଶ୍ର ସ୍ମାରକୀ ଛାତ୍ରୀ ଅଷ୍ଟମ ଶ୍ରେଣୀର ଖୁସୁନୁମା ସାଇନଙ୍କୁ ୫୦୦ ଟଙ୍କା ସହିତ ପ୍ରଦାନ କରିଥିଲେ । ବର୍ତ୍ତମାନର ସଭାପତି ଦେବେନ୍ଦ୍ର ସିଂହ ଓ ପୂର୍ବତନ ସଭାପତି ବ୍ରହ୍ମାନନ୍ଦ ସିଂହଙ୍କ ସହଯୋଗରେ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଭରତ କୁମାର ଦାସ, ସଂପାଦକ ଢେଙ୍କାନାଳ ସଚେତନ ନାଗରିକ ଫୋରମ ଯୋଗଦାନ କରି ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ । ବିଦ୍ୟାଳୟର ଶିକ୍ଷୟିତ୍ରୀ ପ୍ରତିମା ସ୍ୱାଇଁ, କଲ୍ୟାଣୀ ସାହୁ, ସନ୍ଧ୍ୟାରାଣୀ ମିଶ୍ର, ରଶ୍ମିରେଖା ପଣ୍ଡା, ପ୍ରଣତି ପତି, ସହଯୋଗରେ କାର୍ଯ୍ୟକ୍ରମଟି ସାଫଲ୍ୟ ମଣ୍ଡିତ ହୋଇଥିଲା ।
ରିପୋର୍ଟ : ଶୁଭମ କୁମାର ପାଣି