ଦିଗପହଣ୍ଡି (ସମୃଦ୍ଧ ଓଡିଶା) ଦିଗପହଣ୍ଡି ପୁଞ୍ଜିକୟାଁ ଛକ ଠାରୁ ଶୁକ୍ରବାର ସକାଳେ ଗୋଟିଏ ଆହତ ଷଣ୍ଢକୁ ଉଦ୍ଧାର କରାଯାଇଛି । କୌଣସି ଅଜଣା ଗାଡି ଏହାକୁ ରାସ୍ତା ଉପରେ ଧକ୍କା ଦେଇ ଚାଲିଯାଇଥିବା ବେଳେ ଦୂର୍ଘଟଣାରେ ଆହତ ହୋଇ ଷଣ୍ଢଟି ରାସ୍ତା ଉପରେ ଛଟପଟ ହେଉଥିଲା । ରାସ୍ତା ଉପରେ ପଥଚାରୀମାନେ ଯାଉଥିବା ବେଳେ କାହାରି ମାନବିକତା ନଥିବା ଦେଖିବାକୁ ମିଳିଥିଲା । ଖବର ପାଇ ବିଜୁ ଯୁବ ବାହିନୀ ସଭାପତି ତଥା ପିଏଫ୍ଏ ସ୍ୱେଚ୍ଛାସେବୀ ସମୀରକାନ୍ତ ତ୍ରିପାଠୀ, ନୀଳାଞ୍ଚଳ ରଥ, ଏନଏସି ଉପନଗରପାଳ ପ୍ରଦୀପ୍ତ ପଟ୍ଟନାୟକ, କାଉନସିଲର ପ୍ରତିନିଧି ନୀଳକଣ୍ଠ ପଟ୍ଟନାୟକ, ପରେଶ ଚନ୍ଦ୍ର ରଥ, ନାରାୟଣ ସାବତ ପ୍ରମୁଖ ଷଣ୍ଢଟିକୁ ଉଦ୍ଧାର କରିଥିଲେ । ଯତ୍ନ ସହକାରେ ଦିଗପହଣ୍ଡି ପ୍ରାଣୀ ଚିକିତ୍ସାଳୟରେ ଭର୍ତ୍ତି କରାଯାଇ ସେଠାରେ ଚିକିତ୍ସା କରାଯାଇଥିବା ବେଳେ ବର୍ତ୍ତମାନ ସୁସ୍ଥ ରହିଥିବା ଜଣାପଡିଛି । ଏଭଳି କାର୍ଯ୍ୟକୁ ସର୍ବତ୍ର ପ୍ରଶଂସା ମିଳିଛି । ରାସ୍ତା ଉପରେ ବୁଲା ଗାଈ ଗୋରୁଙ୍କୁ ନ ଛାଡିବା ସହିତ ଦୂର୍ଘଟଣାରୁ ରକ୍ଷା କରିବା ପାଇଁ ପରାମର୍ଶ ଦିଆଯାଇଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା