ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅନ୍ତର୍ଗତ ସମ୍ପତ୍ତିଆ ଗ୍ରାମପଂଚାୟତରେ ମୁଁ ହୀରେ ମୁଁ ଓଡିଶା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିରୂପେ ଜଳେଶ୍ୱର ବିଧାୟକ ଅଶ୍ୱିନୀ କୁମାର ପାତ୍ର ଯୋଗ ଦେଇ ଯୁବଗୋଷ୍ଠୀମାନଙ୍କୁ ବିଭିନ୍ନ ସମାଜସେବା କ୍ଷେତ୍ରରେ ନିୟୋଜିତ ହେବା ପାଇଁ ପରାମର୍ଶ ଦେଇଥିଲେ । ସମ୍ମାନୀତ ଅତିଥିରୂପେ ସରକାରୀ ଓକିଲ ପତିତପାବନ ପ୍ରଧାନ ଓ ବିଷ୍ଣୁ ପଦ ଦାସମହାପାତ୍ର, ସମାଜସେବି ଯାମିନୀକାନ୍ତ ଦତ୍ତ, ବ୍ଲକ ଯୁବବାହିନୀ ସଂଯୋଜକ କାଳୀଚରଣ ଦାସ, ନାଏବ ସରପଂଚ ରାମକୁମାର ଆଚାର୍ଯ୍ୟ, ରାଧାକୃଷ୍ଣ ତ୍ରିପାଠୀ ପ୍ରମୁଖ ଯୋଗ ଦେଇ ଉଦବୋଧନ ଦେଇଥିଲେ । ପଂଚାୟତର ବିଜୁ ଯୁବବାହିନୀ ସଂପାଦିକା ମିତାରାଣୀ ପାତ୍ର ବିବରଣୀ ପାଠ କରିଥିଲେ । ଏହି ଅବସରରେ ସଫଳ ଚାଷୀ, ଶିକ୍ଷାବିତ୍, ସମାଜସେବୀ ଓ କଳାକାର ମାନଙ୍କୁ ମୁଖ୍ୟ ଅତିଥି ଶ୍ରୀ ପାତ୍ର ମାନପତ୍ର ପ୍ରଦାନ କରି ସଦମ୍ବଦ୍ଧିତ କରିଥିଲେ । ଶେଷରେ ସୁଧାଂଶୁ ପାତ୍ର ଧନ୍ୟବାଦ ଅର୍ପଣ କରିଥିଲେ ।
ରିପୋର୍ଟ : ଭୂପତି କୁମାର ପରିଡା