ଜଳେଶ୍ୱର (ସମୃଦ୍ଧ ଓଡିଶା) ଦେଶର ବିଶିଷ୍ଟ ଇତିହାସବିତ୍, ଉତ୍କଳ ବିଶ୍ୱବିଦ୍ୟାଳୟର ପୂର୍ବତନ କୂଳପତି ତଥା ପୂର୍ବତନ ସାଂସଦ ଡ. ମନ୍ମଥନାଥ ଦାସଙ୍କ ପୁତ୍ର ଶିଦ୍ଧାର୍ଥ ଦାସ(୭୦)ଙ୍କର ଆଜି ସକାଳେ ପରଲୋକ ଘଟିଛି । ଗତ କିଛିଦିନ ଧରି ସେ ସାମାନ୍ୟ ପକ୍ଷାଘାତ ରୋଗରେ ପିଡିତ ଥାଇ ଚିକିତ୍ସାଧିନ ଥିଲେ । ତାଙ୍କ ସତ୍ୟନଗର ବାସଭବନରେ ମୃତ୍ୟୁ ବେଳେ ତାଙ୍କ ସ୍ତ୍ରୀ ଉପସ୍ଥିତ ଥିଲେ । ୨ ଜ୍ୱାଇଁ ଆଜି ଭୂବନେଶ୍ୱରରେ ପହଞ୍ଚିଥିବା ବେଳେ ଏକମାତ୍ର ପୁତ୍ର ଆମେରିକାରେ ଥିଲେ ମଧ୍ୟ ବୁଧବାର ପହଞ୍ଚିବାପରେ ମୁଖାଗ୍ନି ଦେବେ ବୋଲି ଜଣାଯାଇଛି । ତାଙ୍କ ଶ୍ୱଶୁରଘର ଜଳେଶ୍ୱରର ସୁଗୋ ଗ୍ରାମରେ ହୋଇଥିବାରୁ ସମଗ୍ର ଅଂଚଳରେ ଶୋକର ଛାୟା ଖେଳି ଯାଇଛି । ତାଙ୍କ ମୃତ୍ୟୁ ସମ୍ପର୍କରେ ତାଙ୍କ ଶଳା ତଥା ଜଳେଶ୍ୱର ପଞ୍ଚାୟତ ସମିତି ପୂର୍ବତନ ଅଧ୍ୟକ୍ଷ ଅଭିଜିତ୍ ପ୍ରଧାନ ଏ ସମ୍ପର୍କରେ ସୂଚନା ଦେଇଛନ୍ତି ।
ରିପୋର୍ଟ : ଭୂପତି ପରିଡା