ବ୍ରହ୍ମପୁର (ସମୃଦ୍ଧ ଓଡିଶା) ବିଶ୍ୱ ବନ୍ଧୁତ୍ୱ ଦିବସ ଅବସରରେ ବ୍ରହ୍ମପୁରରେ ଭାରତୀୟ ଜନତା ପାର୍ଟି ଗେଟ ବଜାର ମଣ୍ଡଳ ପକ୍ଷରୁ ସ୍ଥାନୀୟ ବଙ୍ଗାଲି ସାହି ନିକଟରେ ବୃକ୍ଷ ରୋପଣ କରିବା ସହ ସଦସ୍ୟତା ସଂଗ୍ରହ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ମଣ୍ଡଳ ସଭାପତି ଏସ.ଶ୍ରୀନିବାସ ରାଓଙ୍କ ଅଧ୍ୟକ୍ଷତାରେ ଅନୁଷ୍ଠିତ କରାଯାଇଥିଲା । ଏହି କାର୍ଯ୍ୟକ୍ରମରେ ରାଜ୍ୟ ସାଧାରଣ ସମ୍ପାଦକ ଭୃଗୁ ବକ୍ସିପାତ୍ର, ଜିଲ୍ଲା ସଭାପତି କାହ୍ନୁ ଚରଣ ପତି, ଜିଲ୍ଲା ସଦସ୍ୟତା ଅଭିଯାନର ସହ ସଂଯୋଜକ ମଦନ ମୋହନ ପାତ୍ର ପ୍ରମୁଖ ଅତିଥି ଭାବରେ ଯୋଗଦେଇ ବିଭିନ୍ନ ସ୍ଥାନରେ ବୃକ୍ଷ ରୋପଣ କରିବା ସହ ସଦସ୍ୟତା ଅଭିଯାନରେ ସାମିଲ ହୋଇ ବିଜେପିର ସଦସ୍ୟତା ଟୋଲ ଫ୍ରି ନଂ ୮୯୮୦୮୦୮୦୮୦ ଡାଇଲ କରାଇ ବହୁ ବିଜେପି ପ୍ରେମୀଙ୍କୁ ଦଳର ପ୍ରାଥମିକ ସଦସ୍ୟ କରାଇଥିଲେ । ଆଜିର ଏହି କାର୍ଯ୍ୟକ୍ରମକୁ ଜିଲ୍ଲା ମହିଳା ମୋର୍ଚ୍ଚା ସାଧାରଣ ସମ୍ପାଦିକା ଏସ.ରାଣୀ ସଂଯୋଜନା କରିଥିବା ମଣ୍ଡଳର ପ୍ରମୁଖ କାର୍ଯ୍ୟକର୍ତ୍ତା ଡି. କରୁଣାକର ରାଓ, ଶରତ ମହାରଣା, ଧନୁ ପ୍ରାଣିଗ୍ରାହୀ, ରଜତ ପଟ୍ଟନାୟକ, କାହ୍ନା ପଦର, ଭେଙ୍କେଟେଶ୍ୱର ରାଓ, ସଂଜୀବ ରାଓ ପ୍ରମୁଖ ସହଯୋଗ କରିଥିବା ବେଳେ ଅନ୍ୟ ମାନଙ୍କ ମଧ୍ୟରେ ବରିଷ୍ଠ ନେତା ଶିଶିର ପାଢ଼ୀ, ରବୀନ୍ଦ୍ର ସାହୁ, ଶରତ ସାହୁ, ପ୍ରଭାତ ଷଡ଼ଙ୍ଗୀ, ସୁନୀଲ ସାହୁ, ସିଦ୍ଧାନ୍ତ ଗଙ୍ଗଦେବ ଯୋଗଦେଇ ଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା
