ଦିଗପହଣ୍ଡି (ସମୃଦ୍ଧ ଓଡିଶା) ଦିଗପହଣ୍ଡି ସହର ପୁଞ୍ଜିକୟାଁ ଛକ ଠାରେ ଠିଆ ହୋଇ ରହିଥିବା ଏକ ବସ୍ ଉପରେ ମଙ୍ଗଳବାର ପୂର୍ବାହ୍ନରେ କଲେଜ ପଢୁଆ ଛାତ୍ର ମାନେ ବସ୍ ଉପର ଛାତ ଉପରକୁ ଚଢି ଠିଆ ହୋଇ ରହିଥିବା ଦେଖିବାକୁ ମିଳିଥିଲା । ପରେ ସେହି ବସ୍ ଛାତ ଉପରେ ହିଁ ଛାତ୍ର ମାନେ କଲେଜକୁ ଯାଇଥିବା ଦେଖିବାକୁ ମିଲିଥିଲା । ସେହି ସମୟରେ କିଛି ପାସେଞ୍ଜର ଅଟୋରେ ମଧ୍ୟ କଲେଜ ପଢୁଆ ଛାତ୍ରଛାତ୍ରୀ ମାନେ ବେପରୁଆ ଭାବେ ପରବହନ ହେଉଥିବା ଦେଖିବାକୁ ମିଳିଥିଲା । ଦିଗପହଣ୍ଡି ତଥା ଆଖପାଖରେ ରହିଥିବା କଲେଜ ମାନଙ୍କରେ ୫୦୦ରୁ ଉଦ୍ଧ୍ୱର୍ ଛାତ୍ରଛାତ୍ରୀ ଅଧ୍ୟୟନ କରୁଥିଲେ ହେଁ କଲେଜକୁ ଯାତାୟତ ପାଇଁ ସ୍ୱତନ୍ତ୍ର ବସ୍ ଚଳାଚଳ କରାଯାଉନଥିବାରୁ ଛାତ୍ରଛାତ୍ରୀ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଉଛି । ଦୀର୍ଘ ବର୍ଷ ଧରି ଏହି ଦାବୀ ରହି ଆସିଥିଲେ ହେଁ କଲେଜ ପରିଚାଳନା କମିଟି ଏନେଇ ସେତେଟା ଗୁରୂତ୍ୱାରୋପ ଦେଉନଥିବା ଜାଣିବାକୁ ମିଳିଛି । ଫଳତଃ ଛାତ୍ରଛାତ୍ରୀ ମାନେ କେତେବେଳେ ବସ୍ ଛାତ ଉପରେ ତ କେତେବେଳେ ମାଲ୍ ବୋଝେଇ ଟ୍ରକ୍ , ଟ୍ରାକ୍ଟର, ପାସେଞ୍ଜର ଓ ଡାଲା ଅଟୋରେ ବେପରୁଆ ଭାବେ ପରିବହନ ହେଉଥିବା ଦେଖିବାକୁ ମିଳୁଛି । ତେବେ ବେପରୁଆ ପରିବହନ ନେଇ ଛାତ୍ରଛାତ୍ରୀ ମାନେ ସଚେତନ ହେଉନଥିବା ଦେଖିବାକୁ ମିଳୁଛି । ସେମାନଙ୍କୁ ଅଭିଭାବକ, ସମ୍ପୃକ୍ତ କଲେଜ ଅଧ୍ୟାପକ ଅଧ୍ୟାପିକା ଅଧକ୍ଷ, ପରିବହନ ବିଭାଗୀୟ କର୍ତ୍ତୃପକ୍ଷ , ଦିଗପହଣ୍ଡି ଥାନା ପୋଲିସ ପକ୍ଷରୁ ସଚେତନତା କରାଯାଉଥିଲେ ହେଁ ଏଭଳି ନିର୍ଭୟରେ ବେପରୁଆ ଭାବେ ପରିବହନ ପଛରେ କଣ କାରଣ ଥାଇପାରେ ବୋଲି ସାଧାରଣରେ ଚର୍ଚ୍ଚା ହେଉଛି । ପ୍ରତି ବର୍ଷ ସଡକ ସୁରକ୍ଷା ସପ୍ତାହ ପାଳନ ହେଉଛି କଲେଜ ପଢୁଆ ଛାତ୍ରଛାତ୍ରୀ ମାନେ ବିଭିନ୍ନ ଶ୍ଲୋଗାନ୍ ଦେଇ ଶୋଭାଯାତ୍ରା ସଚେତନତା ସୃଷ୍ଟି କରୁଥିଲେ ହେଁ ଏଭଳି ରୂପରେଖ ଏବଂ ନିଦର୍ଶନ ଦେଖିବାକୁ ମିଳୁଥିବାକୁ ନେଇ ନାନା ସମାଲୋଚନା ସୃଷ୍ଟି କରିଛି । ଏ ଦିଗରେ ସଡକ ପରିବହନ କର୍ତ୍ତୃପକ୍ଷ ଏବଂ ଥାନା ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରାଗଲେ ରୂପରେଖରେ ପରିବର୍ତ୍ତନ ଆସିପାରିବ ବୋଲି ମତ ପ୍ରକାଶ ପାଇଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା