ବ୍ରହ୍ମପୁର (ସମୃଦ୍ଧ ଓଡିଶା) ରବିବାର ଦିନ ପ୍ରିନ୍ସ ଡ୍ୟାନ୍ସ ଗ୍ରୁପ୍ର ମୁଖ୍ୟ କ୍ରିଷ୍ଣାମୋହନ ରେଡ୍ଡୀଙ୍କ ଓଡ଼ିଆ ଚଳଚ୍ଚିତ୍ର ‘କ୍ରିଷ୍ଣା’ର ପ୍ରଚାର ଓ ପ୍ରସାର ପାଇଁ ଗୌତମ ପ୍ରେକ୍ଷାଳୟ ପରିଦର୍ଶନ କରୁଥିବା ବେଳେ ତାଙ୍କ ସହ ଅଭିନେତ୍ରୀ ସୂର୍ଯ୍ୟମୟୀ ଉପସ୍ଥିତ ଥିବା ଦେଖିବାକୁ ମିଳିଥିଲା । ଏହି ଚଳଚ୍ଚିତ୍ରଟି କ୍ରିଷ୍ଣା ନିଜର ସତ୍ୟ କାହାଣୀକୁ ନେଇ ନିର୍ମିତ କରିଛନ୍ତି । ଚଳଚ୍ଚିତ୍ରର ପ୍ରସାର ଅବସରରେ ବିଡିଏ ଅଧ୍ୟକ୍ଷ ସୁବାଷ ମହାରଣା ଓ ପୂର୍ବତନ କର୍ପୋରେଟର୍ ଆର୍.ମୂରଲୀମୋହନ ଓ ବହୁ ଶୁଭେଚ୍ଛାଙ୍କ ସମେତ ବହୁ ଦର୍ଶକ ଉପସ୍ଥିତ ଥିଲେ । ଚଳଚ୍ଚିତ୍ରର ମୁକ୍ତିଲାଭ ପାଇଁ ସ୍କେଟିଂ ଏକାଡେମୀ ତରଫରୁ ଏକ ସଚେତନତା ରାଲି କରାଯାଇଥିଲା । ବ୍ରହ୍ମପୁରର କ୍ରିଷ୍ଣା ଆମ୍ବପୁଆରେ ଶ୍ରମିକ ଶ୍ରେଣୀର ଯୁବପୀଢ଼ିଙ୍କୁ ନେଇ କିପରି ସର୍ବଭାରତୀୟସ୍ତରରେ ଜଣେ ସଫଳ ନୃତ୍ୟ ଶିଳ୍ପୀ ହୋଇପାରିଛନ୍ତି, ସେ ନେଇ ଏହି ଚଳଚ୍ଚିତ୍ର ମାଧ୍ୟମରେ ଜନସାଧାରଣଙ୍କୁ ଅବଗତ କରାଇଛନ୍ତି ବୋଲି ସୂଚନା ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା