ବ୍ରହ୍ମପୁର (ସମୃଦ୍ଧ ଓଡିଶା) ବ୍ରହ୍ମପୁରର ଅଧିଷ୍ଠାତ୍ରୀ ଦେବୀ ମାଁ ବୁଢ଼ୀ ଠାକୁରାଣୀଙ୍କ ଦ୍ୱିବାର୍ଷିକ ଯାତ୍ରା ଅନୁଷ୍ଠିତ ହେବାକୁ ଯାଉଛି । ମାଁଙ୍କ ଏହି ଯାତ୍ରା ପ୍ରତି ୨ ବର୍ଷରେ ଥରେ ଅନୁଷ୍ଠିତ ହୋଇଥାଏ । ଏହି ଯାତ୍ରାକୁ ଦେଖିବା ଓ ମାଁ ବୁଢ଼ୀ ଠାକୁରାଣୀଙ୍କୁ ଦର୍ଶନ କରିବା ନିମନ୍ତେ ଦୂର ଦୂରାନ୍ତରୁ ବହୁ ଲୋକ ଆସିଥାନ୍ତି । ପ୍ରତ୍ୟେକ ବର୍ଷ ଭଳି ଚଳିତବର୍ଷ ମଧ୍ୟ ମାଁଙ୍କ ଯାତ୍ରା ପୁଣି ଅନୁଷ୍ଠିତ ହେବାକୁ ଯାଉଛି । ଏଥିପାଇଁ ପ୍ରସ୍ତୁତି ପର୍ବ ଆରମ୍ଭ ହୋଇଯାଇଛି । ଶୁଭଖୁଣ୍ଟି ସ୍ଥାପନ ଠାକୁରାଣୀଙ୍କ ବାପା ତଥା ଯାତ୍ରାର ମୁଖ୍ୟ ପୁରୋଧା ଦୁର୍ଗା ପ୍ରସାଦ ଦେଶୀବେହେରା ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି । ଆସନ୍ତା ୧୧ ତାରିଖ ଦିନ ଶୁଭଖୁଣ୍ଟି ସ୍ଥାପନ ନିମନ୍ତେ ଶୁଭବେଳା ଧାର୍ଯ୍ୟ କରାଯାଇଛି । ରାତିି ସାଢ଼େ ୯ ଟାରୁ ବିଳମ୍ବିତ ରାତି ଗୋଟାଏ ୪୦ ମିନିଟ ପର୍ଯ୍ୟନ୍ତ ଶୁଭବେଳା ରହିଥିବା ବେଳେ ଏହି ସମୟରେ ମାଁଙ୍କ ଶୁଭଖୁଣ୍ଟି ସ୍ଥାପନ କରାଯିବ । ଏହାସହ ମାଁଙ୍କ ଯାତ୍ରା ଏପ୍ରିଲ୍ ୨ ରୁ ମେ ୧ ତାରିଖ ପର୍ଯ୍ୟନ୍ତ ଅନୁଷ୍ଠିିତ ହେବ ବୋଲି ସୂଚନା ମିଳିଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା