ରାୟଗଡା (ସମୃଦ୍ଧ ଓଡିଶା) ‘ମୃତ୍ୟୁ’ କାହାକୁ, କେତେବେଳେ, କେଉଁ ମୁହୂର୍ତ୍ତରେ ଆସିବ ତାହା କେହି କହିପାରିବେ ନାହିଁ । ଅନୁରୂପ ଘଟିଛି ଆଜି ସକାଳେ ରାୟଗଡ଼ା ସହର ସ୍ଥିତ ଜିସିଡି ପଡ଼ିଆ ଠାରେ । ପ୍ରାତଃ ଭ୍ରମଣ କରୁଥିବା ସମୟରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି । ମୃତ୍ୟୁ ବ୍ୟକ୍ତି ଜଣକ ହେଲେ କୋଟିନା ଶ୍ରୀଧର (୩୪) । ରାୟଗଡା ସହର ସ୍ଥିତ ଗଜପତି ଛକ ନିକଟରେ ଏକ ପାନ ଦୋକାନ କରି ନିଜ ପରିବାରର ଭରଣ ପୋଷଣ କରୁଥିଲେ । ସୂଚନାନୁଯାୟୀ ସେ ପ୍ରତିଦିନ ଭଳି ଆଜି ସକାଳେ ମଧ୍ୟ ପ୍ରାତଃ ଭ୍ରମଣ ପାଇଁ ସହରରେ ଥିବା ଜିସିଡ଼ି ପୋଡ଼ିଆକୁ ଯାଇ ଥିଲେ । ପ୍ରାତଃ ଭ୍ରମଣ କରୁଥିବା ସମୟରେ ତଳେ ଅଚାନକ ପୋଡ଼ି ଅଚେତ ହୋଇଯାଇଥିଲେ । ସେହି ସମୟରେ ପ୍ରାତଃ ଭ୍ରମଣ କରୁଥିବା କିଛି ଲୋକେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇ ଥିଲେ । ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ହୃଦଘାତ ଯୋଗୁଁ ତାଙ୍କ ମୃତ୍ୟୁ ହୋଇଥିବା ଡାକ୍ତର ସୂଚନା ଦେଇଛନ୍ତି ।
ରିପୋର୍ଟ : ତୁଷାର ରଞ୍ଜନ ସାହୁ