ଜଳେଶ୍ୱର (ସମୃଦ୍ଧ ଓଡିଶା) ଚଳିତ ବର୍ଷ ବିଳମ୍ବରେ ହେଲେ ମଧ୍ୟ ଆଜି ବୁଧବାର ପୂର୍ବାହ୍ନରେ ମ୍ୟାଟ୍ରିକ ପରୀକ୍ଷା ଫଳ ପ୍ରକାଶ ପାଇଛି । ଏଥିରେ ବାଲେଶ୍ୱର ଜିଲାର ଜଳେଶ୍ୱର ବ୍ଲକର ଜଳେଶ୍ୱର ସରକାରୀ ଉଚ୍ଚ ବିଦ୍ୟାଳୟର ଶୁଭ୍ରଜିତ୍ ମୁଖୀ ୫୫୩ ନମ୍ବର (୯୨%) ରଖି ବ୍ଲକରେ ପ୍ରଥମ ସ୍ଥାନ ଅଧିକାର କରିଛନ୍ତି । ତାଙ୍କ ବାପା ସନ୍ତୋଷ କୁମାର ମୁଖୀ ସ୍ୱାସ୍ଥ୍ୟ ବିଭାଗର ଜଣେ କର୍ମଚାରୀ ହୋଇଥିବାରୁ ସେ ଜଳେଶ୍ୱର ବଡବଜାରସ୍ଥିତ ଡିସ୍ପେନ୍ସରୀ କ୍ୱ୍ୟାଟରେ ରହିଆସୁଛନ୍ତି । ତାଙ୍କର ଜଣେ ଭଉଣୀ, ବାପା ମା ଅଛନ୍ତି । ତାଙ୍କର ବାସସ୍ଥାନ ବସ୍ତା ବ୍ଲକର ଭେଲୋରା ଗ୍ରାମରେ ଅଟେ । ଶୁଭ୍ରଜିତ୍ ଭବିଷ୍ୟତରେ ଜଣେ ଡାକ୍ତର ହେବାକୁ ଆଶା ରଖିଥିବା ବେଳେ ତାଙ୍କର ସଫଳତାରେ ପରିବାରର ସମସ୍ତେ ଖୁସିଥିବା ସେ କହିଛନ୍ତି । ସେ ପାଇଥିବା ନମ୍ବର ଅପେକ୍ଷା ଅଧିକ ଆଶା କରିଥିଲେ ମଧ୍ୟ ଏବେ ବହୁ ଖୁସି ଥିବା ଜଣାଇଛନ୍ତି । ସେ ଦିନକୁ ୧୦-୧୨ଘଣ୍ଟା ପରିଶ୍ରମ କରିଥିବା ବେଳେ ଆଜିର ସଫଳତା ପାଇଁ ତାଙ୍କ ବାପା ଓ ବିଦ୍ୟାଳୟର ଶିକ୍ଷକମାନଙ୍କୁ ଶ୍ରେୟ ଦେଇଛନ୍ତି ।
ରିପୋର୍ଟ : ଭୂପତି କୁମାର ପରିଡା
