ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ନିକଟବର୍ତ୍ତୀ ରାଜପୁର ଗ୍ରାମରେ ନିଆଁ ଲାଗି ସୁକିନ୍ ଖାଁ ଓ ଏକିନ୍ଖାଁଙ୍କର ୩ବଖରା ଘର ପୋଡି ଭସ୍ମୀଭୂତ ହୋଇଯାଇଛି । ଗତକାଲି ଅପରାହ୍ନରେ ଏହି ଘର ପୋଡି ହୋଇଥିବା ବେଳେ ଖବର ପାଇ ଜଳେଶ୍ୱର ଦମକଳ ବାହିନୀ ଆସୁଥିବା ବେଳେ ବାସନ୍ତି ପଡିଆ ନିକଟରେ ଗାଡିଟି ଖରାପ ହୋଇଯିବାରୁ ଘଟଣା ସ୍ଥଳରେ ଠିକ୍ ସମୟରେ ପହଞ୍ଚି ପାରି ନ ଥିଲା । ଅନ୍ୟ ଏକ ଦମକଳ ଗାଡି ବିଳମ୍ବରେ ଘଟଣା ସ୍ଥଳରେ ପହଞ୍ଚିବାରୁ ଗ୍ରାମବାସୀଙ୍କ ମଧ୍ୟରେ ତୀବ୍ର ଉତେଜନା ପ୍ରକାଶ ପାଇଥିଲା । ଗ୍ରାମବାସୀମାନେ ଉତେଜିତ ହୋଇ ଦମକଳ କର୍ମଚାରୀମାନଙ୍କୁ ଆକ୍ରମଣ କରିଥିବାର ଜଣାଯାଇଛି । କ୍ଷତିଗ୍ରସ୍ତ ପରିବାରକୁ ଆର୍ଥିକ ସହାୟତା ପ୍ରଦାନ କରିବା ପାଇଁ ଦାବୀ ହେଉଛି ।
ରିପୋର୍ଟ : ଭୂପତି କୁମାର ପରିଡା