ଜଳେଶ୍ୱର (ସମୃଦ୍ଧ ଓଡିଶା) କରନାର ପ୍ରାଦୁର୍ଭାବ ଯୋଗୁଁ ଭାରତ ସରକାରଙ୍କ ନିର୍ଦ୍ଦେଶରେ ହୋଟେଲ, ମଲ, ବଡବଡ ଦୋକାନବଜାର, କାରଖାନା ବନ୍ଦ କରାଯାଉଥିବାରୁ ସେଠାରେ ଅବସ୍ଥାନ କରୁଥିବା ବ୍ୟକ୍ତି ବିଶେଷ ଘରମୁହଁ ହୋଇଛନ୍ତି । ଗତ ୩ଦିନ ଧରି ଜଳେଶ୍ୱର ରେଳ ଷ୍ଟେସନରେ ରାଜ୍ୟ ବହାରୁ ହଜାର ହଜାର ବ୍ୟକ୍ତି ଆସି ଓହ୍ଲାଇ ଗାଁକୁ ଯାଉଥିବାରୁ ସେମାନଙ୍କୁ ରେଳ ଷ୍ଟେସନରେ ପରୀକ୍ଷା ନିରୀକ୍ଷା କରାଯିବାକୁ ଦାବୀ ହୋଇଛି । ଗତ ଶନିବାରଠାରୁ ଭୁବନେଶ୍ୱର ଓ ଖଡଗପୁର ପଟୁ ଆସୁଥିବା ନିଳାଚଳ ସୁପରଫାଷ୍ଟ, ଧଉଳୀ ସୁପରଫାଷ୍ଟ, ଶ୍ରୀଜଗନ୍ନାଥ ଏକ୍ସପ୍ରେସ୍, ଇଷ୍ଟକୋଷ୍ଟ, ଉତ୍କଳ ଏକ୍ସପ୍ରେସ୍, ସମ୍ପର୍କକ୍ରାନ୍ତି, ଭିଲୁପୁରମ୍-ପୁରୁଳିଆ, ନନ୍ଦନକାନନ, ଜନଶତାବ୍ଦି, ଶାନ୍ତ୍ରାଗାଛି-ତିରୁପତି, ଶାନ୍ତ୍ରାଗାଛି-ସିକନ୍ଦରାବାଦ, ଶାନ୍ତ୍ରାଗାଛି-ମାଙ୍ଗାଲୋର, ଦୀଘା-ବିଶାଖାପାଟଣା, ଦୀଘା-ପୁରୀ, ସାଲିମାର – ଚେନ୍ଦାଇ, ପାଟଣା-ଏନାକୁଲମ ଇତ୍ୟାଦି ଏକ୍ସପ୍ରେସ ଟେନ୍ ଦ୍ୱାରା ଦିଲ୍ଲୀ, ମୁମ୍ବାଇ, ଆହାଲାବାଦ, ଲକ୍ଷେ୍ମø, କୋଲକତା, ଜାମସେଦପୁର, ସୁରଟ, ଆନ୍ଧ୍ରପ୍ରଦେଶ, ଚେନ୍ନାଇ, ବାଙ୍ଗାଲୋର ପ୍ରଭୃତି ସ୍ଥାନରେ ଥିବା ହୋଟେଲ, କାରଖାନା, ବ୍ୟବସାୟ କେନ୍ଦ୍ରରେ ଥିବା ଲୋକେ ଜଳେଶ୍ୱର ଫେରୁଛନ୍ତି । ଏଠାରୁ ସେମାନେ ବସ୍, ପିକ୍ଅପ୍, ମ୍ୟାଜିକ୍, ଟେମ୍ପୋ, ଟ୍ୟାକ୍ସି ଏପରିକି ଟ୍ରକ୍ରେ ମଧ୍ୟ ଭିଡାଭିଡି ହୋଇ ଯାତାୟାତ କରୁଛନ୍ତି । କେବଳ ଯାନଗୁଡିକରେ ସିଟ୍ ଅନୁଯାଇ ଯିବାର ସରକାରଙ୍କ ନିର୍ଦ୍ଦେଶ ଥିବା ବେଳେ ଏଥିପ୍ରତି କୌଣସି କଟକଣା ଦେଖିବାକୁ ମିଳୁନାହିଁ । ଏ ଗୁଡିକ ପ୍ରତି ଗୁରୁତ୍ୱ ଦେଇ ଜଳେଶ୍ୱର ରେଳ ଷ୍ଟେସନରେ ଆପାତତ ସନ୍ଦୋହ କରୁଯାଉଥିବା ବ୍ୟକ୍ତିବିଶେଷଙ୍କୁ ପରୀକ୍ଷା ନିରୀକ୍ଷା କରାଯିବାକୁ ଜନସାଧାରଣ ଦାବି କରିଛନ୍ତି ।
ରିପୋର୍ଟ : ଭୂପତି କୁମାର ପରିଡା