ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ରୋଟାରୀ କ୍ଲବ ପକ୍ଷରୁ ରୋଟାରୀ ବର୍ଷ ପାଳନ କରାଯାଇଛି । ପ୍ରଥମ ଦିବସରେ ରୋଟାରୀ କ୍ଲବ ପକ୍ଷରୁ ଚନ୍ଦନାସ୍ଥିତ ସିରିଡିସାହି ମନ୍ଦିରରେ ତାରଜାଲି ଲାଗାଇ ଫଳ ଓ ପୁଷ୍ପଗଛ ଲଗାଯାଇଥିଲା । ପରେ ଈଷକନ୍ ଜଗନ୍ନାଥ ମନ୍ଦିରରେ ମଧ୍ୟ ବୃକ୍ଷରୋପଣ କରାଯିବା ଅବସରରେ ଅନ୍ନପୂର୍ଣ୍ଣ ଦିବସ ଉପଲକ୍ଷେ ନାରାୟଣ ସେବା ଅନୁଷ୍ଠିତ ହୋଇଥିଲା । ସଂଧ୍ୟାରେ ରୋଟାରୀ କ୍ଲବ କାର୍ଯ୍ୟାଳୟ ପରିସରରେ ଡକ୍ଟର୍ସ ଡେ ପାଳନ ଅବସରରେ ଜଳେଶ୍ୱର ବିଡିଓ ନିତ୍ୟାନନ୍ଦ ସାହୁ ମୁଖ୍ୟ ଅତିଥିଭାବେ ଯୋଗ ଦେଇ ରୋଟାରୀ କ୍ଲବ ସମାଜରେ ସେବା କାର୍ଯ୍ୟର ଏକ ଉଦାହରଣ ସୃଷ୍ଟି କରିଥିବା ବେଳେ ସେଥିରେ ବ୍ରତୀଥିବା ଡାକ୍ତର ମାନଙ୍କୁ ପ୍ରତ୍ସୋହନ ଯୋଗାଇବା ଅନ୍ୟଏକ ଉଦାହରଣ ବୋଲି କହିଥିଲେ । ଏହି ଅବସରରେ ଜଳେଶ୍ୱର ଅଂଚଳର ଡାକ୍ତର ଗଣେଶ ଚନ୍ଦ୍ର ପାଳ, ଅଂଶୁମାନ ମିଶ୍ର, ଭୋଳାନାଥ ପାଣିଗ୍ରାହୀ, ହରିପଦ ଦାସ, ଅରୁଣ କୁମାର ଗିରି ଓ ଦିପ୍ତୀମୟୀ ମହାପାତ୍ରଙ୍କୁ ସମ୍ମାନୀତ କରାଯାଇଥିଲା । କ୍ଲବର ସଭାପତି ସୁରେଶ କୁମାର ସାହୁଙ୍କ ଅଧ୍ୟକ୍ଷତାରେ ସମ୍ପାଦକ ସତ୍ୟବ୍ରତ ଜେନା ସୂଚନା ପ୍ରଦାନ କରିଥିଲେ । ଏଥିରେ ସମସ୍ତ ସଦସ୍ୟ ଉପସ୍ଥିତ ଥିଲେ ।
ରିପୋର୍ଟ : ଭୂପତି କୁମାର ପରିଡା